Manannán Mac Lir

Mardio. Manannán (Manannan) estis dirita esti la filo de Lir, kiu ankaŭ estis dio de la maro. Manannán anstataŭigis sian patron en lia rolo kiel mardio. Tamen, en la Libro de Invadoj, Manannán fakte estis la filo de Allod (mi ankoraŭ ne elkomprenis, kiu estis Allod). Allod estis filo de Elada (Elatha), do tio farus lin (Allod) frato de Dagda kaj Ogma.

Manannán ŝajnis ankaŭ havi kontrolon super la vetero, sed liaj povoj probable limigis sin al la maro. Manannán estis ankaŭ saniganto kaj potenca sorĉisto.

Manannán probable havis filinon nomatan Tailtiu (Taillte), kiu fariĝis la adoptpatrino de Lugh. Kutime Tailtu estis dirita esti la filino de la Reĝo de la Granda Ebenaĵo kaj la edzino de Firbolga reĝo, Eochaidh Mac Erc. Manannán estis ankaŭ kredita esti la patro de Mongán, la reenkarniĝo de Finn Mac Cumhaill.

Manannán edziniĝis al bela Dananna virino nomata Fand, kiu havis amrilaton kun la Ulsteria heroo, Cu Chulainn.

Manannán estis ankaŭ edzigita al Aife (Aiofe), kiu estis transformita en gruon. Aife estis mortigita kaj ŝia haŭto estis uzita por krei magian trezorsakon, kiu poste apartenus al Finn kaj la Klano Bascna en la Feniana Ciklo.

Manannán estis aŭ amanto aŭ edzo de Aine, la sundiino de amo.

Manannán loĝis en la “Lando de Promeso” aŭ “Lando de Juneco”. Manannán posedis la ŝipon nomatan “Ondo-balailo”; vazo kiu povis stiri sin mem per liaj pensoj kaj moviĝi sen bezono de remiloj aŭ vento. Manannán povis ankaŭ veturi sian ĉaron super akvo, tiratan de du magiaj ĉevaloj. Manannán kelkfoje uzis la “Respondanton”, la glavon donitan al Lugh Lamfada.

Manannán estis la patrona dio de la Tuatha Dé Danann. Kiam la Danannaj estis venkitaj en batalo kontraŭ la Milezianoj, estis Manannán, kiu gvidis ilin al la “Lando de Juneco” (Transmondo aŭ Sidhe). Tie vivis la magia porko, kiun Manannán posedis, kaj kiu konservis la Tuatha Dé Danann junaj. Ĉiutage la porko estis mortigata kaj rostata por ke la Danannaj manĝu, kaj ĉe la fino de ĉiu tago la porko revenis al vivo, nur por esti mortigata kaj manĝata denove la sekvantan tagon.

Manannán estis ankaŭ nomata Manawyddan de la Kimroj. En la kimraj mitoj, li estis la filo de Llyr (irlanda Lir) kaj la frato de la dio Brân.