Brigit

Brigit (Brigid) estis la diino de sanigado kaj fekundeco same kiel la diino de metio, precipe de metallaboro. Brigit estis verŝajne ankaŭ la diino de fajro kaj poezio.

Ŝi estis la militista diino same kiel la patrona diino de metiistoj.

En la irlandaj mitoj, Brigit estis filino de Dagda. Brigit estis foje identigita kun la diino Danu, la patrina diino de la Danann-oj, sed tio kaŭzus eĉ pli grandan konfuzon en jam konfuza genealogio.

Brigit estis kutime dirita esti la edzino de Senchán Forpeist, kvankam en alia versio, ŝi edziniĝis al Bres, unu el la Danann-reĝoj, kaj iĝis la patrino de Rúadan.

Ŝia filo Rúadan provis murdi Goibhniu por sia patro, sed la forĝisto mortigis la junulon. Ŝia lamento por sia filo estis la unua funebra plorkanto aŭdita en Irlando.

Brigit estis ankaŭ la patrino de Brian, Iuchar kaj Iurbarba. Kelkaj diras, ke ŝi estis la patrino de Creidhne (artifaristo), Luchta (ĉarpentisto) kaj Goibhniu (forĝisto), la tri majstraj metiistoj, kvankam Goibhniu estis kutime nomata la filo de Danu kaj Dian Cécht, kaj Luchta estis la filo de Luchad. Oni ankaŭ diris, ke Brigit havis nepon nomatan Ecne.

Ŝia nomo estis ankaŭ literumita “Brigid,” signifante “Alta” aŭ la “Tiu Kiu Estas Ekzaltita”. Dum la tempo de roma potenco, Brigit estis identigita kun Brigindo aŭ Brigandu en Gaŭlio, dum ŝi estis nomata Brigantia, laŭ la kelta tribo loĝanta en norda Anglio.

Brigit iĝis asociita kun la kristana sanktulino nomata Sankta Brigid (m. 524-528). Sankta Brigid estis la patrona sanktulino de Irlando, kaj estis la abatino de la monaĥinejo de Kildare, kiun ŝi fondis. Ĉi tiu sanktulino havis sian printempan feston la 1-an de februaro, la saman tagon kiel la pagana festo nomata la Imbolc, ankaŭ sankta por la pagana Brigit. Ĉi tiu festo estis ankaŭ asociita kun skota folkloro, kie Brigit forigis la bluvizaĝan vintran sorĉistinon nomatan Calleach Bheur, ŝtonigante ŝin. Calleach Bheur tamen renaskiĝis dum Samhain-vespero (la 31-a de oktobro), alportante la vintrajn neĝojn kun si.