Bodb Derg

Bodb Derg estis la dio de poezio kaj saĝeco. Bodb Derg estis la filo de Dagda.

Bodb Derg ŝajne regis plurajn diversajn sidhojn, depende de kiun rakonton oni legas. Bodb estis reĝo de Sid ar Femen kaj Sid na mRen (Silveramon).

En la rakonto de Aislinge Oenguso (Sonĝo de Angus), li estis la reĝo de la Sid Mumu, dum en la Togail Bruidne Da Derga (Detruo de la Gastejo de Da Derga) lia regolando estis en Sid ar Femuin (almenaŭ la porkogardisto de Bodb loĝis tie). En la Acallam na Senórach, Bodb Derg estis la reĝo de Bruig de la Boyne (Newgrange), Transmond-domajno. Bodb vivis kun 150 filoj de reĝoj. Kvankam oni kutime diris, ke Bruig apartenis al lia patro (Dagda) aŭ al lia frato Angus.

En la Batalo de Ventry, Bodb Derg estis la reĝo de la Danann-oj kiu helpis la Fianna en la milito kontraŭ la invadantoj, gvidataj de Dáiri Donn, la Reĝo de la Mondo.

En la Acallam na Senórach, li estis priskribita kiel bela junulo kun longaj, oraj haroj kaj bruna, duforkita barbo. Bodb portis arĝentajn sandalojn kaj liaj piedoj ne ĝenis la rosgutetojn sur la herbklingoj. Ĉi tiu rakonto ankaŭ menciis, ke li havis filon nomatan Ferdoman.