Goibhniu

La majstra forĝisto. Goibhniu estis la forĝa dio. Li estis unu el tri diaj metiistoj; ili estis konataj kiel na tri dée Dána. La aliaj du metiistoj estis Credne kaj Luchta. Li ankaŭ posedis la Mielon de Juneco.

Goibhniu estis konata kiel la filo de Dian Cécht kaj Danu. Goibhniu havis du fratojn: Cian aŭ Kian (patro de Lugh), kaj Sawan. Kelkfoje, Goibhniu estis nomata la filo de Esarg kaj nepo de Neit, kio faris lin la frato de Credné, Luchta kaj Dian Cécht. Goibhniu estis ankaŭ konata kiel la filo de Ethliu, kio faris lin la frato de Dagda, Nuada, Dian Cécht, Credne, Luchta kaj Lug Mac Cein.

Goibhniu edukis Lugh, instruante la knabon multajn diversajn lertecojn en siaj metioj.

Dum la dua batalo de Moytura, Goibhniu kaj aliaj metiistoj, Credné (artefakisto) kaj Luchtainel aŭ Luchta (ĉarpentisto), rapide riparis la difektitajn armilojn por la Danannaj. La tri metiistoj estis triopo de dioj de lertecoj nomataj “Na tri dee dana”. Kelkaj diras, ke la aliaj du metiistoj estis liaj fratoj.

Goibhniu mortigis Rúadan, la filon de Bres kaj Bríg (Brigit), kiu provis murdi la forĝiston.

En la kimraj mitoj, lia kimra ekvivalento estis nomata Govannon, kiu mortigis Dylan, la filon de Aranrhod.