Korrigan

La plej komunaj inaj feinoj en la bretona tradicio estis la korriganoj kiuj loĝis en la arbaroj, precipe ĉe Broceliande kaj ofte apud rivereto, fonto aŭ fontano. Ŝi estis feino kiu serĉis mortemalan amanton.

La korrigan ŝajnis esti la bretona versio de la banshee. La korrigan probable estis origine pagana druidino. Ŝi estis egalizata kun gwragedd annwn - la kimraj feinoj de la lago kaj riveretoj.

Ŝi provis seduki mortemulojn kiuj trinkus el ŝia akvo, kaj ŝi logus lin dormi kun ŝi. Se la viro rifuzis ŝiajn avancojn aŭ sedukadon, ŝi kolere malbenus lin al certa pereo. Tio estis kio okazis al la Sinjoro de Nann.

La Sinjoro estis edziĝinta al virino kiun li amis. Iun tagon, lia edzino petis majflorojn el la arbaro. La Sinjoro rajdis eksteren, sed dum sia rajdo, li soifis kaj trinkis la akvon el fontano. Tie, la Sinjoro renkontis la korriganon kiu postulis ke li dormu kun ŝi. Sed la Sinjoro kolere rifuzis ĉar li estis fidela al sia edzino kaj forrajdis post aŭdi ke li mortos en tri tagoj. La momenton kiam la Sinjoro rajdis reen al sia kastelo, li iris tuj al la preĝejo, anstataŭ reen al sia edzino. La pastro, lia patrino kaj aliaj homoj gardis la sekreton de lia sorto for de lia edzino. Tri tagojn poste, la patrino de la Sinjoro finfine diris al sia bofilino la veron. La edzino mortis pro kora rompiĝo kaj estis enterigita apud la Sinjoro.

En bretona folkloro, ŝi estis la plej verŝajna suspektato en la forrabo de mortemaj infanoj. Kiel adoptpatrino de bebo, ŝi kreskigus ĝin kvazaŭ la infano estus ŝia propra.

La korrigan estis komparata kun pluraj figuroj en mitologio kaj legendo. Ĉi tiuj plej verŝajne estis antaŭuloj de la korrigan. Unu el ili estis la kimra diino Ceridwen (aŭ Keridwen). Ŝi estis edzino de la giganto Tegid Foel kaj loĝis ĉe Lago Tegid.

Estis du aliaj notindaj antaŭuloj de la korrigan ene de la arturaj legendoj, kaj ili loĝis aŭ apud fontano aŭ en la lago mem ĉe Broceliande. Ili estis la Grafino aŭ Sinjorino de la Fontano, kaj la Sinjorino de la Lago.

La korrigan estis ia kiel la Sinjorino de la Fontano en la legendo de la kimra Owain aŭ franca Yvain. Kvankam la kimra versio en la Mabinogion ne malkaŝas la nomon de la arbaro aŭ la fontano, Chrétien de Troyes lokigis la fontanon en la arbaro de Broceliande.

Owain aŭ Yvain efektive edziĝis kun la Sinjorino de la Fontano post murdi ŝian edzon. Kvankam la heroo ne estis kondamnita morti, li perdis sian saĝon ĉar fraŭlino forigis la nupted-ringon de lia fingro, ĉar li forgesis reveni al sia edzino post unu jaro da restado en la kortego de Reĝo Arturo. Li vagadis tra la arbaro kiel nuda sovaĝulo. Fine lia saĝo estis restaŭrita kaj li estis reunuiĝita kun sia edzino, post multaj heroaj aventuroj.

La Sinjorino de la Fontano ne ŝajnis havi specialan povon kiel korrigan, sed ŝi estis sinjorino de transmonda kastelo kaj ŝia fontano havis strangajn povojn super la vetero. Vidu Yvain kaj la Sinjorino de la Fontano.

La Sinjorino de la Lago estis konata per pluraj nomoj - Niniane, Viviane, Vivian, Vivien, Eviene kaj Nimue. Kia ajn ŝia origina nomo estis, ĝis la tempo de Chrétien de Troyes (mortinta ĉ. 1185), ŝi estis vidata pli kiel feino ol diino.

La Sinjorino de la Lago montris la plej proksimajn karakterizojn al la korrigan, sed la Sinjorino estis pli bonvola ol la korriganoj. La Sinjorino de la Lago respondecis pri doni la glavon Excalibur al Reĝo Arturo (vidu Legendo de Excalibur, Nova Glavo). Ŝi forrabis la infanan Lancelot de Reĝino Elaine (aŭ Helen) de Banoic kaj kreskigis la infanon ĝis plenkreskeco. Ŝi estis la instruistino de Lancelot. (Vidu Lancelot.)

Sed plej interese estas la ligo de la Sinjorino de la Lago kun Merlino, la sorĉisto kaj konsilanto de Arturo. Merlino estis enamiĝinta al la ĉarma Sinjorino de la Lago. Kvankam Merlino estis talenta en divenado, li estis senpova malhelpi sian sorton. Li instruis al ŝi ĉiujn siajn lertecojn en magio esperante gajni ŝian amon, kio inkluzivis kaŝi ŝian palacon kaj regnon aŭ sub la lago aŭ en iluzia lago. Sed la Sinjorino de la Lago ne intencis dormi kun la sorĉisto, kaj ŝi uzis la lastan magion kiun li instruis al ŝi por enfermi aŭ entombigi Merlinon en aŭ sub la granda ŝtono. (Vidu Legendo de Excalibur, Morto de Merlino.)

Ambaŭ la Sinjorino de la Fontano kaj la Sinjorino de la Lago estis konsiderataj origine kiel dinoj de la akvo. Kaj pro la ligo de ĉi tiuj sinjorinoi al akvaro ene de la arbaro de Broceliande, ekzistas frapa simileco al la korriganoj.