Ceridwen

Ceridwen estis kimra diino de nekonataj atributoj. Kelkaj nomus Ceridwen sorĉistino, kaj ŝi estis ofte bildigita kiel maljuna malbela virino. Ŝi havis la kapablon ŝanĝi formon.

Ceridwen estis la edzino de Tegid Foel. Ceridwen estis la patrino de filino nomata Creirwy, kaj havis du filojn, Morvran ab Tegid kaj Morfran (Y Fagddu aŭ Afagddu). Creirwy estis la plej bela junulino en la mondo, dum Morvran estis malbela sed forta batalisto. Tamen ŝia plej juna filo, nomata Afagddu aŭ Avagddu (“absoluta mallumo”), estis ekstreme malbela (kaj eble misformita) tiel ke neniu akceptus lin en la nobela socio krom se li estus dotita per saĝeco kaj poezio.

El la kaldrono de inspiro, konata kiel Amen, Ceridwen estis decidinta fari sian filon la plej saĝa kaj plej inspira bardo per tri gutoj de sia trinkaĵo.

Tamen la trinkaĵo bezonus tutan jaron por esti farita, do ŝi havis du servistojn por teni la fajron bruligita kaj senĉese kirli la kaldronon. Unu el la servistoj estis nomata Gwyon Bach (Gwion Bach). Ŝia plano estis ruinigita kiam tri gutoj brulvundis la dikfingron de Gwyon Bach, igante Gwyon meti sian fingron en la buŝon. Gwyon tuj akiris la scion kaj lertecojn de bardo, anstataŭ ŝia filo Afagddu.

Ceridwen furioze ekintencis mortigi Gwyon. Gwyon kaj Ceridwen trapasis plurajn metamorfozojn de diversaj bestoj. Gwyon kiel leporo, Ceridwen kiel leporhundo; li kiel salmo, ŝi kiel lutro; li kiel birdo, dum Ceridwen transformiĝis en akcipitron. Kiam Gwyon transformis sin en greneron, Ceridwen kiel kokino englutis Gwyon kaj gravedĝis.

Kiam Ceridwen naskis filon, ŝi sciis ke ŝia infano estis vere reenkarniĝo de Gwyon Bach, kiu konservis la memorojn de sia antaŭa vivo, same kiel sian lertecojn kiel bardo. Ceridwen intencis mortigi la infanon, sed ne povis decidigi sin fari tian murdon pro la beleco de la bebo. Do Ceridwen metis la bebon en ledan sakon kaj ĵetis lin en la maron.

Elphin (Elffin) savis la infanon el la akvobaraĵo, kaj li nomis la infanon (Gwyon Bach), Taliesin.

Vidu Taliesin en la Mabinogion.

Ne multe estas konata pri Ceridwen preter la rakonto de Taliesin, kvankam ŝia nomo kaj ŝia kaldrono aperis ofte en aluzoj de mezepoka kimra literaturo.

Nenio plu estis dirita pri ŝia filo Afagddu. En la rakonto pri Culwch kaj Olwen, estis menciite ke la alia filo de Ceridwen, Morfran, ankaŭ batalis en la batalo de Camlann, ricevante nenian vundon ĉar li estis tiel malbela ke la malamikoj pensis lin demono kaj ne volis alproksimiĝi al li. Morfran havis harojn sur la vizaĝo similajn al tiuj de cervo.