Dylan

Dylan kaj lia frato Lleu estis la filoj de la virgulina diino Aranrhod. Ŝi naskis ilin tuj post kiam ŝi paŝis super la magian bastonon de sia onklo Math.

Dylan estis knabo kun orkoloraj haroj. Baldaŭ post sia baptiĝo li foriris al la maro.

Dylan ankaŭ fariĝis konata kiel la filo de Ton, ĉar ondo neniam rompiĝis sub li. Dylan estis speco de kimra dio de la maro aŭ de la ondoj. Dylan prenis sur sin la naturon de la ondoj, kaj povis moviĝi en la akvo pli bone ol fiŝo.

Dylan estis mortigita de sia onklo Govannon (Goibhniu), la kimra forĝisto-dio.

Vidu Math, Filo de Mathonwy pri la naskiĝo de Dylan.