Gráinne

Edzino de Diarmait. Gráinne estis la filino de Cormac Mac Airt, la ĉefreĝo de Irlando.

Gráinne aperis nur en la irlanda romanco titolita Tóraigheacht Dhiarmada agus Ghráinne (La Persekuto de Diarmait kaj Gráinne). La rakonto pri la amtriangulo inter Gráinne, Diarmait kaj Finn influis aliajn mezepokajn romancojn, kiel tiun de Tristan, Isolde kaj Mark, aŭ Lancelot, Guenevere kaj Arthur. Kelkaj akademiuloj ja identigas ŝin kun Isolde, dum Diarmait estis kiel Tristan kaj Finn kiel Reĝo Mark.

Kvankam Gráinne estis fianĉinigita al Finn Mac Cumhaill, la maljuniĝanta fiana kapitano, ŝi enamiĝis al la pli juna akompananto de Finn, Diarmait. Per geis kiun ŝi trudis al la juna heroo, Gráinne devigis Diarmait perfidi sian gvidanton, kaŭzante malpacon inter la du amikoj kiu finfine kaŭzus la morton de Diarmait. Diarmait ne havis elekton, ĉar li ne povis rompi sian geis. Li forkuris kun Gráinne.

Gráinne kaj Diarmait fuĝis el Tara kaj vivis en la montaroj kaj sovaĝaj arbaroj, travivante diversajn aventurojn, evitante la persekuton de Finn kaj la Fianna. Fine paco estis aranĝita inter Finn kaj Diarmait, sed nek Gráinne fidis ke Finn ne difektus ŝian edzon, nek Finn iam pardonis Diarmait pro la perfido. Anstataŭe, estis apro kiu mortvundis Diarmait, kaj Finn rifuzis sanigi la junan heroon. Diarmait mortis de sia vundo.

La rakonto kiun mi legis finiĝis per la morto de Diarmait, sed kelkaj aliaj versioj diris ke Gráinne volis venĝi la morton de Diarmait, sed la honto esti devigata edziniĝi al la malamiko de sia edzo kaj la mokado de la Fianna finfine alportis repaciĝon inter ŝi kaj Finn.

Vidu La Persekuton de Diarmait kaj Gráinne por la plena rakonto.