Muirenn (Muirne)

Muirenn, aŭ Muirne kiel ŝi estas konata en anglaj rakontoj, estis la Dananna filino de Tadg kaj nepino de Nuada de la Arĝenta Mano. Ŝi estis ofte nomata “Muirne de la Blanka Kolo”.

Ofte oni menciis ke Muirenn havis du fratinojn — la druidinon Bodhmall kaj Uirne (aŭ Tuirne), kiu estis la patrino de la ĝemelaj hundoj Bran kaj Sceolang.

Ĉar ŝia patro servis kiel konsilanto al Conn Cétchathach, ĉefreĝo de Irlando, Muirenn renkontis kaj enamiĝis al Cumhaill. Cumhaill estis juna kapitano de la Fianna kaj klanostro de Klano Baiscne. Malgraŭ la kontraŭstaro de sia patro, Muirenn rifuzis reveni al la Sidhe (Alimondo), kaj edziniĝis al Cumhaill.

Muirenn gravedis nelonge antaŭ ol Cumhaill eniĝis en klanan militon kontraŭ Klano Morna, gvidata de Goll Mac Morna. Cumhaill estis mortigita en batalo kaj Klano Baiscne estis venkita. Goll iĝis la kapitano de la Fianna.

Anstataŭ reveni al sia patro, Muirenn kaj ŝiaj du maljunaj flegistinoj fuĝis de sia hejmo al Sleive Bloom, kie ŝi poste naskis Demna (Finn Mac Cumhaill). Por la sekureco de sia filo, ŝi lasis sian filon kun la du flegistinoj dum ŝi provis forkonduki siajn malamikojn de sia filo.

Muirenn trovis sekurecon en Munster, kie ŝi edziniĝis al la reĝo de Munster. Pro ĉi tiu geedziĝo, la reĝo de Munster ĉiam estis forta subtenanto de Klano Baiscne. Kiam la milito eksplodis inter Klano Baiscne kontraŭ la ĉefreĝo Cairbre Lifechair, Munster estis la sola provinco kiu subtenis Klanon Baiscne.