Ailill Aulomm

Ailill Aulomm estis la filo de Eógan Mór kaj frato de Lugaid Lága. Ailill ankaŭ havis sep aliajn fratojn.

Ailill Aulomm estis plej konata pro sia implikiĝo kun la diino Aíne, filino de Eógabal, kiu estis la adoptita filo de Manannán Mac Lir.

Ferches, la poeto-militisto de Ailill, mortigis Eógabal ĉe Áne Chlíach dum Samhain-nokto ĉar la ĉevalo de la reĝo ĉiam malaperis sur tiu monteto en la sama tempo de la jaro. Trovinte Aíne ĉe la tumulo kie Ferches mortigis ŝian patron, Ailill perfortis la diinon. Dum li perfortis ŝin, ŝi suĉis kaj glutis unu el liaj oreloj, per kio li ricevis la kromnomon Aulomm, “nud-orela”. Tio estis venĝo pro la mortigo de ŝia patro kaj la perforto kontraŭ ŝi. Aíne donis al li filon nomatan Eógan.

Ailill estis edzigita al Sadb, filino de Conn Cétchathach, kaj li havis aliajn infanojn. Tri filojn — Cian, Cormac Cas kaj Dichorb, kaj filinon, Aife. Ailill estis ankaŭ la adoptpatro de Lugaid Mac Con.

Milito inter lia filo kaj adoptfilo, Eógan kaj Lugaid, rezultigis la morton de lia filo kaj la sep fratoj de Ailill en la Batalo de Maige Mucrama. Lugaid Mac Con venkis en la milito kaj fariĝis la ĉefreĝo de Irlando, sed li perdis ĝin sep jarojn poste pro sia malbona juĝo.

Kiam Lugaid revenis al li, Lugaid pensis ke lia adoptpatro pardonis lin kiam li ricevis kison sur la vango. Havi unu orelon ne estis la sola stranaĵo de la trajtoj de Ailill. Unu el liaj dentoj estis venena. La kiso de Ailill kaŭzis ke duono de la vizaĝo de Lugaid ŝrumpis. Post tagoj da agonio, Lugaid petis unu el siaj sekvantoj mortigi lin. Tio estis la venĝo de Ailill pro la morto de lia filo kaj liaj sep fratoj en la Batalo de Maige Mucrama.