Eithne

Patrino de Lugh. Eithne estis kelkfoje literumita Ethlinn aŭ Ethniu.

Eithne estis filino de Balor, estro de la Fomorianoj.

Balor konis profetaĵon, ke se li havus nepon, li mortus. Do, simile al la argiva reĝo Acrisius, kiu enfermis sian filinon Danae por teni virojn for de ŝi, Balor enfermis Eithne en turon sur Insulo Tory, esperante haltigi la plenumiĝon de sia domaĝo.

Eithne enamiĝis al Cian, unu el la danannaj estroj. Sed Cian, kun la helpo de la dananna druidino Birog, sukcesis kaŝe viziti la fomorianan princinon. Eithne gravedis trionaskojn. Balor, eksciinte pri tio, provis mortigi siajn genepojn ĵetante ilin de la turo en turniĝakvon. Du el la filoj de Eithne mortis, sed la plej juna el la trionaskoj pluvivis kaj estis forkondukita de Cian kaj Birog. Cian nomis ilian filon Lugh, aŭ Lug.

Konfuze, Eithne estis ankaŭ dirita esti la patrino de Dagda, Ogma kaj Allod (patro de Manannan), per Elatha. Kaj en alia versio en la Libro de Invadoj, ŝi estis ne nur la patrino de Lugh kaj la Dagda, sed ankaŭ Nuada, Dian Cecht, Goibhniu, Credne kaj Luchta.

Laŭ la Duanaire Finn, post la morto de ŝia patro, Lugh aranĝis ke Eithne edziniĝu al Tadg, filo de Nuada. Eithne fariĝis la patrino de Muirenn (Muirne).