Challenge of the Clans

La rakonto komenciĝis dum la regado de la ĉefregulo (Ard-Rí) de Irlando nomata Conn Cétchathach — “Conn de la Cent Bataloj”. Conn gajnis la kromnomon pro la nombro da bataloj kiujn li venkis dum sia regado. Lia plej potenca malamiko estis Eógan Mór, la reĝo de Munster, kiun Conn venkis dufoje en batalo.

Dum la regado de Conn, li establis militan ordenon de elitaj militistoj, konatajn kiel la Fianna Éireann (Fianna de Irlando). La Fianna konsistis ĉefe el du dominaj klanoj — la Baiscne kaj la Morna. Kvankam estis aliaj klanoj en la Fianna, nur ĉi tiuj du klanoj estis sufiĉe potencaj por gajni subtenon por la kapitaneco de la Fianna. Ĉiu klano havis ĉeftanon, sed nur unu el la ĉeftanoj povis esti kapitano de la Fianna.

En la tempo de la regado de Conn, Cumhaill, filo de Trenmor, estis la Fian-kapitano kaj ĉeftano de Klano Baiscne. Dum Goll Mac Morna estis ĉeftano de Klano Morna.

Unu el la konsilantoj de Conn estis la Danann-druido kaj sorĉisto Tadg, filo de Nuada de la Arĝenta Mano. Tadg havis filinon nomatan Muirenn aŭ Muirne de la Blanka Kolo. Ĉar Muirenn ofte estis ĉe la kortego de Conn en Tara, Cumhaill kaj Muirenn enamiĝis unu al la alia. Tadg ne volis ke lia filino edziniĝu al mortulo kaj insistis ke ŝi revenu al ilia mondo (Alia Mondo). Malgraŭ la protestoj de ŝia patro, Muirenn edziniĝis al Cumhaill. Malsama versio diris ke Cumhaill forrabis Muirenn. De tiu tago, Tadg portis brulegan malamon kontraŭ la juna Fianna-kapitano. La druido decidis detrui Cumhaill.

Per siaj intrigoj, Tadg kaŭzis ke la reĝo ofendiĝu kontraŭ Cumhaill. Kune ili intrigis por forigi lin kiel kapitanon, kaj enlistis Goll por defii Cumhaill pri la gvidado de la Fianna.

Muirenn estis plurmonatan graveda kiam Cumhaill aŭdis ke Goll Mac Morna defiis lin pri la kapitaneco de la Fianna. Cumhaill kunigis Klanon Baiscne por alfronti la defion. Muirenn, kiu estis Danann, estis maltrankvila pri la krizo, kaj havis antaŭsenton ke ŝi neniam revidos sian edzon.

La du rivalaj klanoj renkontiĝis ĉe Cnucha (Knock), kie batalo okazis. Klano Baiscne estis la pli granda kaj pli forta el la du, sed Tadg uzis sian magion por konfuzi kaj timigi la militistojn de Klano Baiscne.

Cumhaill alfrontis Goll kaj elprenis unu el la okuloj de sia malamiko en la batalado, sed Cumhaill estis subite venkita de timo kaj malforteco pro la sorĉarto de Tadg. Lia, sinjoro de Luachar, savis Goll, kaj mortigis Cumhaill.

La batalo turniĝis kontraŭ Klano Baiscne ĉe la morto de Cumhaill. Tiuj kiuj restis estis mortigitaj; malmultaj postvivantoj, inkluzive la fraton de Cumhaill, Crimmal, eskapis el la masakro kaj fuĝis en la arbarojn.

Vundita, Goll estis nomita kapitano de la Fianna, pro sia venko super Klano Baiscne. Goll nomis Lia kiel la Trezoristion de la Fianna. Lia prenis la magian gruosakon el la korpo de Cumhaill. La gruosako enhavis la trezorojn de la Fianna. Goll ordonis al siaj militistoj ĉasi ĉiujn militistojn de Klano Baiscne kiuj postvivintis la batalon, inkluzive iliajn familiojn.