Battle of Ventry

La filino de Bolcán (Bolcan), la reĝo de Francio, forkuris al Irlando ĉar ŝi enamiĝis al Finn Mac Cumhaill. Tamen ŝi estis la edzino de Dáiri Donn (Dairi Donn), la memtitolita “Reĝo de la Mondo”. Dáiri Donn kunigis nekredeblan armeon el ĉie en kontinenta Eŭropo por reakiri sian edzinon. Granda batalo okazis en Ventry.

Oisín (Oisin) batalis en unusola kombato kontraŭ Bolcán. Tamen dum la batalado, Bolcán frenezis tute, saltante ĉie sur la batalkampo, sen zorgo pri sia propra sekureco.

La Fianna estis survoje al malvenko, kiam la juna filo de la reĝo de Ulster alvenis en Ventry kun taĉmento de cent knaboj. Kvankam la invadantoj mortigis ĉiun unuopan knabon, ili alvenis ĝustatempe por savi la Fianna de neniigo.

La Fianna estis forte malpli multaj je la komenco de la milito kontraŭ Dáiri Donn. Kiam la Tuatha Dé Danann alvenis por helpi la Fianna, la tajdo de la batalo komencis turniĝi. La Danann-oj batalis dum unu tago, dum la Fian-militistoj estis kuracataj kaj nutrataj el la magia kaldrono de Tuatha Dé Danann.

En la dek-sepa tago, la Fianna kunigis siajn fortojn kontraŭ la invadantoj. Unue, Finn mortigis Ógarmach (Ogarmach), grekan amazona militistinon.

Multaj Fian-militistoj estis mortigitaj de siaj malamikoj. Inter la falintoj estis juna Fianna-militisto nomata Cáel (Cael), kiu enamiĝis al bela Danann-virino nomata Créd (Cred, Créde, Créidhe aŭ Creidhe). Cáel gajnis la amon de Créd per sia poezio.

Ne longe post ilia geedziĝo ili aŭdis novaĵon pri la invado. Cáel aliĝis al siaj kamaradoj por alfronti la invadantojn. Créd sekvis sian edzon al Ventry, kie ŝi helpis pri la malsanuloj kaj vunditaj Fian-militistoj. Ŝi portis grandan nombron da brutaro kun si, por ke la Fian-militistoj ĉiam havu lakton por trinki. Cáel distingiĝis ĉiutage dum la batalo. Estis en la lasta tago de batalo kiam Cáel dronis dum persekuto de sia malamiko en la maron.

Tiam en unusola kombato kontraŭ Dáiri Donn, Finn venkis kaj mortigis la Reĝon Dáiri Donn. Senkuraĝigitaj pro la perdo de sia reĝo kaj aliaj gvidantoj, la Fianna venkis la invadantojn kaj forpelis ilin el Irlando.

Finn kaj liaj kunuloj trovis la korpon de Cáel sur la strando. Malgaje ili reportis la korpon de Cáel al lia edzino por enterigo. Créd estis nekredeble afliktita kiam ŝi vidis la militistojn reporrantajn ŝian edzon sur siaj ŝultroj. Kiam ili ekmetis Cáel en la tombon, Créd kuŝiĝis apud sia edzo kaj mortis pro malĝojo. Anstataŭ festi grandan venkon, la postvivantaj Fian-militistoj estis malĝojigitaj de la tragedio, dum ili entombigis Cáel kaj Créd en ununura tombo.

En Acallam na Senórach, Caílte Mac Ronan rakontis la implikiĝon de Cáel kaj Créd en la rakonto pri la Batalo de Ventry. Kiam Caílte kaj Sankta Patriko vizitis ĉi tiun monteton, la heroo rakontis al la sanktulo, ke estis Finn kiu donis la nomon Ventry ĉar ĝi estis “bela monteto”.