Cefalo kaj Prokriso

Prokriso (Πρόκρις) estis la filino de reĝo Ereĥteo de Ateno. Prokriso estis la fratino de Cecropo, Buteso, Kreŭsa, Orejtia kaj aliaj nenomitaj fratinoj.

Cefalo (Κέφαλος) estis la filo de Deiono, la reĝo de Fokido, kaj Diomede, filino de Ksuto. Cefalo venis al Ateno kaj sukcese svatis Prokrison.

Laŭ Apolodoro, Prokriso estis malfidela edzino. Unu tagon Cefalo malkovris Prokrison en lito kun sia amanto Pteleono. Prokriso fuĝis al Kreto, kie Minoo enamiĝis al ŝi. Minoo donis al ŝi Laelaps, la magian hundon kiu ĉiam kaptas sian predon, kaj neeraran ĵetlanco kiu neniam maltrafas sian celon. Prokriso, timante la magion de Pasifae, la edzino de Minoo, revenis al Ateno.

Cefalo kaj Prokriso estis repaciĝitaj, kaj Prokriso, sciante ke ŝia edzo amas ĉasi, donis Laelaps kaj la neeraran lancon al Cefalo. Ili havis filon nomitan Arcesio, kiu estis la patro de Laerto.

En la Metamorfozoj de Ovidio, Cefalo estis eksteren ĉasanta kelkajn monatojn post ilia geedzeco. Eoso, la diino de la mateniĝo, vidis lin en la arbaro, enamiĝis al li, kaj forportis lin al sia hejmo.

Eoso provis sedukti Cefalon, sed li rifuzis la amon de la diino. Vidante ke ŝi ne povas gajni lian amon, ŝi liberigis lin. Tamen Eoso sukcesis semi semojn de dubo pri la fideleco de lia edzino. Eoso transformis lin tiel ke neniu rekonus lin. Cefalo pensis testi la amon kaj fidelecon de sia edzino al li.

Reveninte hejmen, Prokriso ploris pro la foresto de sia edzo. Cefalo aperis al ŝi alivestita kiel fremdulo. Cefalo malsaĝe testis ŝin provante sedukti ŝin kaj oferi al ŝi oron. Prokriso akceptis la ŝajnajn alproksimiĝojn de la fremdulo, tamen kiam ŝi nur iomete hezitis, Cefalo malkaŝis sian veran identecon. Kolerega, li akuzis sian edzinon esti malfidela al li.

Superfortita de lia akuzo, ŝi fuĝis de hejmo kaj aliĝis al Artemiso kiel unu el la kunulinoj de la diino. Laŭ tiu versio estis Artemiso kiu donis al Prokriso la hundon Laelaps kaj la neeraran lancon.

Cefalo ankoraŭ amis ŝin kaj, komprenante sian eraron en akuzi sian edzinon, iris trovi Prokrison kaj pardonpeti al ŝi. La du estis repaciĝitaj, kaj Prokriso revenis hejmen kun sia edzo.

Kiun ajn version vi legis, la fino estis la sama. Ili estis feliĉaj ĝis unu tagon li iris ĉasi. Prokriso sekvis sian edzon kaj kaŝis sin en unu el la densaĵoj. Vidante movadon en la densaĵo, Cefalo ĵetis la magian lancon. Cefalo mortigis sian edzinon per la sama donaco kiun ŝi donis al li.

Cefalo estis funebranta. Cefalo estis juĝata pro la morto de Prokriso ĉe la Areopago, kaj estis ekzilita el Ateno. Cefalo iris al Tebo kie li amikiĝis kun Amfitriono, la duonpatro de Heraklo. Cefalo pruntedonis al Amfitriono sian hundon Laelaps, ĉar Amfitriono ĉasis la Teumesan vulpinon. Amfitriono donis al Cefalo grandan insulon, kiun li nomis Kefalenio, kaj regis tie.