Hermafrodito kaj Salmakiso

Hermafrodito (Ἑρμαφρόδιτος) estis la filo de Hermeso kaj Afrodito. Hermafrodito kreskis ĝis fariĝi la plej bela junulo en la mondo tiutempe. La najadoj (nimfoj) edukis Hermafroditon ĉe monto Ida en Likio.

Unu tagon li forlasis sian hejmon kaj alvenis al la fonto proksime de Halikarnaso en Kario. La fonto estis nomita laŭ nimfo nomita Salmakiso. Tiu nimfo freneze enamiĝis al Hermafrodito, sed malsukcesis delogi lin. Tamen kiam li banis sin en ŝia fonto, Salmakiso saltis sur la timigitan junulon kaj alkroĉiĝis al li, kun brakoj kaj kruroj ĉirkaŭ lia bela korpo. Salmakiso kisis la knabon, kiu provis forpuŝi ŝin.

Tiam Salmakiso preĝis al la dioj, por ke ili neniam estu disigitaj unu de la alia. La dioj respondis ŝian preĝon kunfandante kaj fuzigante iliajn korpojn kune.

Al la hororo de Hermafrodito, lia korpo nun havis virinajn brustojn kaj inajn genitrojn, same kiel siajn proprajn virajn genitrojn. Hermafrodito estis ĉagrenita de tiu transformo kiam li eliris el la fonto. Li preĝis al sia patro kaj sia patrino, ke iu ajn viro aŭ knabo, kiu banas sin en tiu baseno, suferu la saman destinon kaj transformon kiel li: fariĝante duone viro, duone virino.

Jen de kie venas la nomo hermafrodito, kie persono havas la genitrojn de du seksoj. Tio estas tre rara kondiĉo por homoj, kaj mi ne aŭdis pri kazo de iu estanta hermafrodito. Ĝi estas pli ofte trovebla en plantoj kaj senvertebruloj (kiel vermoj aŭ helikoj).