Hekabo

La lasta reĝino de Trojo. Ŝia patrino nomiĝis Metope, sed estas necerte kiu estis ŝia patro. Diversaj viroj estis nomitaj: Ciseo, Dimaso aŭ la riverdio Sangario. Ne estis mencioj ke ŝi havis iujn fratojn aŭ fratinojn.

Hekabo (Ἑκάβη) fariĝis edzino de Priamo, reĝo de Trojo, post kiam li eksedziĝis de Aisbe. Hekabo havis multajn infanojn. Ŝiaj filoj nomiĝis Hektoro, Pariso, Deifobo, Helenoso, Pammono, Politeso, Antifoso, Hipponoo kaj Polidoro. Ŝiaj filinoj inkluzivis Kasandron, Kreŭsan (edziĝinta al Eneo), Laodiken kaj Poliksenan. Ŝi estis ankaŭ la patrino de Troilo (Troilos); la patro de Troilo eble estis Apolono.

Kiam ŝi estis graveda kun Pariso, Hekabo havis vizion de Trojo brulanta. Ŝia duonfilo Aesako, kiu estis aŭguristo, antaŭdiris ke ŝia dua filo kaŭzos la detruon de Trojo. Do Priamo kaj Hekabo prenis la antaŭzorĝon elmeti sian novnaskitan filon en la sovaĝan arbaron. Sed li estis savita, kaj revenis al Trojo post atingi plenkreskecon. Kasandra rekonis sian fraton. Ŝi kaj ŝia edzo forgesis la profetaĵon, kaj bonvenigis lin reen.

En la lasta jaro de la milito ŝi organizis grandegan oferon al Atena laŭ la konsilo de Hektoro, sed la ofero kaj preĝoj restis neaŭdataj, ĉar la diino estis decidita kaŭzi la falon de Trojo.

Post la sako de Trojo Hekabo estis donita kiel sklavino al Odiseo. Ŝi estis unu el la virinoj en la teatraĵo de Eŭripido kiuj atestis la morton de ŝia filino Poliksena, oferita al Aĥilo, kaj ŝia nepo Astianakso, la sola infano de Hektoro kaj Andromaĥe.

Ŝi perdis ĉiujn siajn filojn al la milito krom Helenoso kaj Polidoro. Polidoro estis lasita en la trakia regno de Polimestoro por gardado, okaze se la trojanoj perdos la militon. Sed aŭdinte ke la grekoj sakis Trojan, Polimestoro pensis ke li povus ŝteli la trezoron kiun Priamo lasis al sia filo Polidoro, same kiel gajni la favoron de la grekoj.

Hekabo, lernante la sorton de sia filo, decidis venĝi kontraŭ la trakia reĝo. Ŝi murdis la reĝon, kaj la dioj transformis ŝin en nigran hundon pro ŝia krimo.

Malsama versio estis menciita en la Biblioteko de Apolodoro. Helenoso ricevis sian liberecon, kaj la grekoj donis lian patrinon al li. Patrino kaj filo iris al la Ĥersoneso, kie ŝi estis turnita en hundinon, kaj Helenoso enterigis ŝin je ŝia morto en tombo nomata Hunda Tombo. Apolodoro ne donis iun kialon por la transformiĝo de Hekabo en hundon, nek estis ia mencio pri la murdo de ŝia filo Polidoro fare de la trakia reĝo Polimestoro.

Laŭ la greka geografo Paŭzanio, li menciis ke la poeto Stesiĥoro skribis la Sakon de Iliono, kaj deklaris ke Apolono forportis Hekabon el Trojo al Likio. Eble tio estis ĉar Apolono iam estis ŝia amanto, kaj ilia filo estis Troilo. Kio okazis al ŝi poste, ni ne scias, ĉar Paŭzanio neniam mencias la transformiĝon de Hekabo en hundon.