Kamila

Kamila estis la reĝino de la Volskoj. Kamila estis la filino de Metabo kaj Kasmila. Kamila estis la gvidantino de la Volskoj en la itala milito kontraŭ la heroo Eneo kaj la Trojanoj.

Ne estas konate, ĉu Kasmila mortis dum naskado aŭ ne, kiam Kamila naskiĝis, sed estis ŝia patro Metabo, kiu edukis ŝin. Metabo estis reĝo de Privernumo, sed li estis ekzilita el sia regno. Dum li estis persekutata el sia regno, Metabo dediĉis sian filinon al la diino Diana (Artemiso). Kiam Kamila estis bebo, ŝia patro nutris ŝin per ĉevalina lakto, kio verŝajne klarigis ŝian rapidecon kiel ĉevalo.

Kiel militistino, Kamila estis sekvantino de Diana (Artemiso), la diino de la ĉaso. Kamila estis lerta per pafarko kaj lanco, kiujn ŝia patro instruis al ŝi tuj kiam ŝi povis marŝi. Kamila ne estis Amazono, sed ŝi havis la saman spiriton kiel la Amazonoj, ĉar ŝi estis sen tima kaj lerta en batalo. Vergilio komparis ŝian similecon al amazona militistino el Tracio; ŝi estis komparita al Hipolite kaj Pentesileja.

Kiam milito ekestis inter la ekzilitaj Trojanoj kaj la Latinoj, Kamila fariĝis la aliancano de Turno, la gvidanto de la Rutuloj. Antaŭ ŝia morto ŝi mortigis nombron da Trojanoj kaj Etruskoj uzante sian lancon, pafarkon kaj sagojn, kaj hakilon kun granda lerteco (Eneido XI:664–915).

Liguriano nomita Aruno mortigis Kamilan en embusko per lanco trapikita al ŝia brusto, sed la diino Diana antaŭe sendis Opison, kiu estis aŭ minora diino aŭ unu el ŝiaj nimfoj, por venĝi la morton de Kamila. Aruno ne restis por fini Kamilan, sed forkuris. Opiso pafis sagon, kiu mortigis Arunon. Vidu la Eneidon.

Persone mi ne pensas, ke Kamila estis Amazono. Kia ajn, ŝi estis militistina reĝino kaj meritas lokon en tiu paĝo.