Hipolite
Ŝajne ekzistis pluraj amazona reĝinoj kun la nomo Hipolite aŭ Hipolita (Ἱππολύτη). Ĉiu el ili mortis de malsama mano. La Hipolite, pri kiu mi parolas en ĉi tiu artikolo, estis la amazona reĝino, kiu posedis la Zonon de Hipolite.
Ŝi estis la reĝino, kiu regis la amazonan tribon proksime de la buŝo de la rivero Termodonto, en nordorienta Malgranda Azio.
Hipolite estis la fratrino de Antiope aŭ Melanipe.
Eŭristeo, la reĝo de Mikeno kaj Tirinto, sendis Heraklon en mision por akiri ĉi tiun oran zonon, kiu fariĝis konata kiel la Naŭa Laboro de Heraklo. Heraklo iris al la amazona lando aŭ sole, aŭ kun Telamono aŭ Tezeo, aŭ kun ambaŭ el ili.
Hipolite varme akceptis Heraklon, donante al li lian peton pri la zono. La amazona reĝino kaj la heroo estus fariĝintaj amantoj, kaj tio estus la plej facila tasko de Heraklo. Tamen, la venĝema diino Hero vekis tumulton inter la militistoj de Hipolite. La diino disvastigis onidiron, ke Heraklo volas forrabi ilian reĝinon. Ili tuj atakis Heraklon kaj liajn kunulojn. Heraklo, pensante ke Hipolite perfidis lin, mortigis la reĝinon, prenis la zonon, kaj batalis sian vojon el la urbo.
Laŭ Apolonio, Heraklo ne mortigis Hipoliten. Melanipe, fratrino de Hipolite, eliris por alfronti Heraklon, sed estis kaptita en la embusko. Heraklo tenis Melanipen kiel ostaĝon. Por pagi la elaĉeton de sia fratrino, ŝi oferis sian zonon al Heraklo. Se la Argo estus surteriĝinta sur amazona tero, Hipolite kaj ŝiaj Amazonoj atakus la Argonaŭtojn.
En ankoraŭ alia versio, kie ne estis Heraklo kaj ne zono, la aŭtoro diris, ke Hipolite estis viva kaj ke estis ŝi, kiu gvidis invadon en Atikon kaj Atenon. La du fratrinoj batalis sur malsamaj flankoj kaj ambaŭ estis mortigitaj.
Ekzistis unu Amazono, kiu normale nomiĝis Antiope, sed foje ankaŭ nomiĝis Hipolite, same kiel Melanipe aŭ Glaŭke. Ĉi tiu Antiope/Hipolite fariĝis la edzino de la atena heroo Tezeo kaj la patrino de Hipolito.
Tria Hipolite estis la fratrino de Pentesileia. Pentesileia akcidente mortigis ŝin dum ili ĉasis. Pentesileia devis iri al reĝo Priamo en Trojo por esti purigita pro la morto de sia fratrino. Fine, Pentesileia iris por aliĝi al la milito pri Trojo, kaj ŝi mortis de la mano de Aĥilo.
