Naŭa laboro: la zono de Hipolite
La naŭa laboro postulis, ke Heraklo iru al la lando de la Amazonoj por preni la zonon de Hipolite por la filino de Eŭristeo, Admeta aŭ Admete. Heraklo aŭ iris tien sola aŭ kun la herooj Tezeo kaj Telamono (Τελαμών).
La Amazona reĝino nomita Hipolite (Ἱππολύτη) regis en la urbo Temiscira ĉe la buŝo de la rivero Termodono. La zono apartenis al Areso, kaj simbolis la potencon de gvidado.
La reĝino varme ricevis Heraklon, sed Hera instigis la Amazonojn kontraŭ Heraklo. Alivestita kiel Amazona militistino, Hera disvastigis onidirojn, ke Heraklo venis forrabi ilian reĝinon. La Amazonoj armiĝis kaj atakis la ŝipon de Heraklo. Pensante, ke Hipolite sekrete konspiras kontraŭ li, Heraklo mortigis la reĝinon kaj prenis ŝian zonon.
Laŭ iuj skriboj, Antiope (Melanipo), la fratino de Hipolite, enamiĝis al Tezeo. Antiope perfidis la Amazonojn kaj la urbon Temiscira. Antiope helpis Heraklon kaj liajn sekvantojn batali sian vojon el la Amazona lando. Aliaj diras, ke Tezeo forrabis Antipon.
Laŭ alia, malsama versio de Apolonio, Heraklo mortigis neniun en tiu entrepreno. Anstataŭe, Heraklo embuskis kaj kaptis Melanipon (Antipon), fratinon de Hipolite. Heraklo nur liberigis Melanipon kiam Hipolite pagis al Heraklo elaĉeton — sian zonon.
En sia hejmenreveno, li trovis trojan princinon, Hesionen, ĵus oferotan al mara monstro sendita de Posejdono kaj Apolono. Heraklo konsentis savi la filinon de Laomedono kontraŭe pro la senmortaj ĉevaloj de la reĝo aŭ la ora vito kiel sia rekompenco. Sed post mortigi la monstron, Laomedono rifuzis pagi. Denove Heraklo ĵuris venĝon kontraŭ alia reĝo. Li revenus poste kun armeo por detrui Laomedonon. Vidu la militon de Heraklo kontraŭ Trojo.
Laŭ Diodoro Sikulo, Heraklo savis Hesionen en sia vojaĝo al Kolĥido, kun Jasono kaj la Argonaŭtoj. Vidu Argonaŭtoj, versio de Diodoro.
Dum li daŭrigis sian hejmenvojaĝon, Poligono kaj Telegono, la du filoj de Proteo, defiis Heraklon al lukto. Heraklo mortigis la du fratojn.
