Sepa laboro: la Kreta Bovo
Por la sepa laboro Heraklo devis preni la Kretan Bovon, la bovon, kiu apartenis al Minoo, reĝo de Kreto. Tiu bovo estis sankta al Posejdono, kaj havis la kapablon marŝi kaj eĉ kuri sur la surfaco de la maro.
Kiam Minoo akiris la bovon de Posejdono, li rifuzis oferi la bovon al la maradio. Por puni Minoon pro lia rompita promeso, Posejdono kaŭzis, ke Pasifao, filino de Helio, enamiĝu al la besto. Do la Kreta Bovo naskigis al Pasifao la monstron Minotauro.
Heraklo kaj la Kreta Bovo
Metopo el la templo de Zeŭso, 460 a.K.
Arkeologia Muzeo, Olimpio
Hontigita de la ido kaj la unio inter sia edzino kaj la bovo, Minoo ne plu volis la Kretan Bovon. Do Heraklo havis la konsenton de Minoo preni la bovon. La sola problemo estis, ke la bovo ne enirus ŝipon.
Do Heraklo rajdis sur ĝia dorso dum la bovo transiris la maron, de Knoso en Kreto, la tutan vojon reen al Grekio.
Heraklo liberigis la bovon post montrado de la estaĵo al Eŭristeo. La Kreta bovo forlasis la Peloponeson kaj vagis la tutan vojon al Maratono en Atiko. La Kreta bovo tiam fariĝis konata kiel la Maratona bovo.
La Maratona bovo daŭre ruinigis la landon en la ebenaĵoj de Maratono, ĝis Tezeo kaptis kaj oferis ĝin.
