Turnus

Turnus estis la reĝo de Rutulio kaj malamiko de Aeneas. Turnus estis aŭ la filo de Pilumnus kaj Danae, kiu estis la filino de Akrisio, aŭ li estis la filo de la reĝo Daunus de Rutulio kaj Venilia. Turnus estis ankaŭ la frato de Juturna, la diino de fontoj kaj edzino de Janus.

En la romiaj mitoj, Turnus estis ĉefe konata en la Aeneado de Vergilio, kie li estis gvidanto en la milito kontraŭ Aeneas kaj la trojaj rifuĝintoj. Junono (Hero), kiu malamis ĉiujn Trojanojn ekde la Juĝo de Pariso, persekutis Aeneas ekde kiam li forlasis Trojan por trovi novan hejmon.

Turnus volis edziĝi kun Lavinia, la filino de la reĝo Latinus. La maljuna reĝo favoris Aeneas, ĉefe ĉar profetaĵo diris, ke lia filino edziĝos kun fremda princo, sed la edzino de Latinus, Amata, kaj Junono ambaŭ subtenis Turnus. Kaj la reĝino kaj la diino instigis la Latinojn kaj la Rutulojn kontraŭ Aeneas kaj la Trojanoj. La ĵaluzo de Turnus igis lin deklari militon kontraŭ la Trojanoj.

Kvankam Turnus mortigis multajn Trojanojn kaj iliajn aliancanojn, la rutula gvidanto fine estis mortigita en unuopa duelo kontraŭ Aeneas. La Aeneado finiĝis per la morto de Turnus.