Taranis

Ĉar la nomo de Taranis signifas “Tondranto”, Taranis estis identigita kun la ĝermana dio Donar kaj kun la romia dio Jupitero. Lia nomo sugestas ke li estis la dio de pluvo, ŝtormo kaj tondro. Lia simbolo estis la radspoka rado.

Taranis estis unu el tri dioj menciitaj de la romia poeto Lucan; la aliaj dioj estis Esus kaj Teutates. Liaj oferviktimoj (homaj?) estis metitaj en pajlan figuraĵon antaŭ ol ĝi estis bruligita.