Jupitero

Jupitero estis la supera dio de la romia panteono. Jupitero formis unu el la triado de romiaj dioj, kune kun Marso kaj Kvirino.

Jupitero ankaŭ estis nomita Jupitter, Jove, Iovis kaj Diespiter. Kiel lia greka ekvivalento Zeŭso, Jupitero estis la ĉieldio, asociita kun nuboj, pluvo kaj ŝtormoj. Lia armilo estis la tondro. La etruskoj egaligis Jupiteron kun Tin, Tinia aŭ Tinis.

Jupitero adoptis multajn el la atributoj, la personeco kaj la mitoj de la greka Zeŭso. Jupitero estis la filo de Saturno (Krono) kaj Ops (Rea). Lia kunulino kaj edzino estis Juno (Hera). En Romo li dividis sian templon sur la Kapitolo kun Juno kaj Minerva (Atena).

Kiel Zeŭso, lia preferata birdo estis la aglo kaj la kverko estis sankta al li. Lia festo estis tenata la 19-an de aŭgusto, la saman tagon kiel Venuso. Aliaj tagoj sanktaj al Jupitero estis la Idoj de ĉiu monato. Iuj estis tenataj la 15-an de marto, majo, julio kaj oktobro. La aliaj monatoj tenis la Idojn de Jupitero la 13-an. La latina ekvivalento de ĵaŭdo estis nomita dies Iovis (Tago de Jove).

En astronomio, Jupitero estas la plej granda planedo en nia suna sistemo, kaj la 5-a planedo de la suno. La planedo estas klasifikita kiel gasgiganto.