Ops

Ops estis la roma diino de abundo. Ops verŝajne estis patrindiino kaj la diino de fekundeco. Kiel diino de la rikolto, Ops estis adorata de la fruaj romanoj, kune kun la ĥtonia dio Konsuso en templo nomata Regia. Ŝia festo Opiconsivia okazis la 25-an de aŭgusto kaj Opalia la 19-an de decembro.

Ops poste estis identigita kun la greka diino Reo, kaj ŝi estis edzino de Saturno (Krono). Kiel en la grekaj mitoj, ŝi estis la patrino de la romaj olimpanoj.