Kirino
Kirino estis la tria romia diaĵo laŭ graveco aŭ rango, post Jupitero kaj Marso. Tiuj tri dioj formis triopon de militistaj diaĵoj. Tamen la atributoj kaj origino de Kirino ŝajnas obskuraj.
Kirino eble estis diigo de la unua romia reĝo, Romulo. Aŭ li eble estis origine protektanto-dio de la Sabinoj, loĝanta sur la Kvirinala Monteto en Romo, antaŭ ol la romianoj adoptis lin.
Laŭ la poeto Ovidio, Romulo kaj lia edzino Hersilio fariĝis senmortaj kaj vivis kiel la dio Kirino kaj la diino Horo.
Kirino estis probable dio de milito aŭ defendo, ĉar oni vidis lin en milita vestaĵo same kiel en klerika vestaĵo. Kirino estis foje identigita aŭ konfuzita kun Marso, kiel Marso Kirino.
La mirtarboj estis sanktaj al li. Lia festivalo, la Kvirinalia, okazis la 17-an de februaro, la saman tagon kiel tiu de Fornakso, diino de panbakado.
