Epona

Epona estis romano-kelta diino de ĉevaloj. Epona estis konata tra la tuta Kontinenta Eŭropo, precipe adorata de la galoj en Francio kaj Italio. Ŝia kulto poste disvastiĝis al Britannia (Britio).

La romanoj adoptis la galan diinon kiel la patronan diinon de kavaliroj, kaj ŝi estis la sola kelta dieco adorata en Romo; ĉiujara festivalo honore al Epona estis celebrata la 18-an de decembro. Ŝi troveblis en arto en ambaŭ la kelta kaj romia mondo.

Epona estis ankaŭ nomata Bubona. En la Moselle-valo, la nomo Eponabus indikis trioblajn diinojn.

Epona estis asociita kun la pli posta kimra ĉevaldiino Rhiannon kaj la irlanda diino Macha.

Statuetoj kutime prezentis ŝin rajdantan ĉevalon flanksele, kelkfoje akompanatan de hundo kaj birdo.