Lugus

Lugus estis unu el la plej popularaj diaĵoj de la keltoj. Pluraj urboj estis nomitaj laŭ li: Lugdunum (Liono) en suda Francio, Lugdunum Batavorum (Leideno) en Nederlando, kaj Luguvallium (Carlisle) en norda Anglio. Lugus estis ankaŭ adorata en pluraj lokoj en la hispana provinco Tarraconensis (inkluzive de la triboj Gallaeci, Astures, Cantabri kaj Keltiberoj).

Lugus estis la dio de lumo aŭ de la suno, kaj la romianoj identigis lin kun sia dio Apollo. Kun lertecoj en multaj metioj, li estis ankaŭ identigita kun alia romia dio, Merkuro (Hermeso).