Likaono

Likaono estis reĝo de Arkadio, eble regante en la tempo antaŭ la granda Diluvo. Oni diris, ke Likaono fondis la urbon de Arkadio kaj nomis la urbon laŭ si mem, Lycaeum.

Likaono estis filo de Pelazgo, kiu estis aŭ filo de Zeŭso kaj Niobo (filino de Foroneo), laŭ Apolodoro (el sia fonto Akusilao), aŭ ke Pelazgo estis ter-naskita, laŭ Heziodo. La patrino de Likaono estis Melibojo, filino de Okeano kaj Tetiso, aŭ alia nimfo nomita Kilene. Likaono havis tiom multajn kiel 50 filojn de diversaj virinoj (Apolodoro listigis la nomojn de la filoj), kaj unu filinon nomitan Kalisto.

En la Katalogoj de virinoj unu el liaj filoj nomiĝis Palaso, kiu konstruis urbon kaj nomis ĝin Palantio.

Likaono kaj liaj filoj estis fifamaj pro sia aroganteco kaj sia malpieco. Laŭ Apolodoro, Zeŭso volis esplori la tiranion de Likaono, do li iris al la reĝo alivestita kiel laboristo. Likaono ofertis gastamon al la laboristo (Zeŭso), sidigante la alivestitan dion en la honora seĝo ĉe la bankeda tablo. La plej aĝa filo, Mainalos, gvidis siajn fratojn buĉi bebon, poste malfermi la bebon kaj servi la karnon kaj internajn organojn al la gasto.

Zeŭso tuj rekonis la homan karnon, renversis la tablon kaj ĵetis tondrobatojn, kiuj mortigis Likaonon kaj ĉiujn krom lian plej junan filon Niktimo, ĉar la diino Geo intervenis. Niktimo fariĝis reĝo de Arkadio, regante en Lycaeum. Oni diris, ke Zeŭso alportis la diluvon, kiu forviŝis la homaron, pro la krimoj de Likaono kaj liaj filoj.

Ekzistas pluraj malsamaj variaĵoj de la mito de Likaono.

Laŭ la poemo La Astronomio, atribuita al Heziodo, la bebo estis Arkaso, la filo de lia filino Kalisto. Post kiam Zeŭso delogis kaj gravedigis Kaliston, kaj post kiam ŝi naskis filon nomitan Arkaso, Likaono decidis venĝi sian malhonoron kontraŭ la dio, gastigante Zeŭson en sia halo, mortigante sian nepon kaj servante la karnon de la bebo al la dio. La poemo ne mencias, kian punon la dio infligis al la malbona reĝo, nek mencias iun partoprenon de la filoj de Likaono.

Aliaj mitoj havas malsaman sorton por Arkaso. Vidu la artikolon pri Kalisto.