Ternaskitaj Reĝoj
La jenaj ternaskitaj reĝoj estis la fruaj regantoj de Atiko kaj Ateno. Ili estis mitaj estaĵoj: parte homoj kaj parte serpentoj.
Kekropso estis la unua tia reĝo. Dum lia tempo Posejdono kaj Atena konkuris pri la patroneco de Ateno.
Eriĥtonio ankaŭ estis parte homo kaj parte serpento. Eriĥtonio estis la filo de Hefesto kaj Gaja. Hefesto volis edziĝi al Atena, la virga militdiino. Kiam Hefesto provis perforti Atenan, la diino sukcesis forpeli lin, kaŭzante ke la semo de Hefesto falu sur la teron, el kiu naskiĝis Eriĥtonio.
Atena konfidis al la filinoj de Kekropso (Aglauroso, Pandroso kaj Herse) gardi keston, avertante ilin ne malfermi la skatolon. Ilia scivolemo pri la enhavo de la skatolo alportis al ili frenezon kaj morton, ĉar ili ne povis rezisti malfermi la skatolon. Kion ili malkovris estis la infano Eriĥtonio. Frenezo superis la filinojn de Kekropso; ili kuris de klifo kaj falis al sia morto.
Atena tiam edukis Eriĥtonion ĝis li estis sufiĉe aĝa por fariĝi reĝo de Ateno.
Ekzistis aliaj ternaskitaj reĝoj kiel Lelekso kaj Pelasgo (Pelasgos), kiuj regis en Argoso, Arkadio kaj Mesenio. Apolodoro ankaŭ raportis, ke li eble estis la filo de Zeŭso kaj Niobo, kaj frato de Arguso, reĝo de Argoso.
Oni ne diras ion pri Pelasgo aŭ Lelekso havantaj voston de serpento. Ili naskiĝis el la tero.
