Pelias

Reĝo de Iolko. Pelias (Πελιάς) estis la filo de Tiro kaj Posejdono. Pelias estis la ĝemela frato de Neleo.

Pelias gajnis la malamikecon de Hero kiam li murdis Sideron antaŭ ŝia altaro aŭ statuo. Hero serĉis sian venĝon per la nevo de Pelias, la heroo Jazono, filo de Aesono. Orakolo avertis Peliason ke Aeolido (Jazono) portantaj unu solan sandalo unu tagon kaŭzos lian morton.

Pelias estis konata pro sia perforta furiozo kaj deziro je potenco. Kiam la edzo de lia patrino, Kreteo, mortis, Pelias kaptis la tronon de sia duonfrato Aesono, kaj enkarcerigis lin. Liaj aliaj duonfratoj estis forpelitaj el Iolko, kune kun sia ĝemela frato Neleo. Neleo fuĝis al Mesenio, dum Fereso fondis urbon en Tesalio. Amitaono kaj lia familio iris al Eliso.

Pelias havis filon nomitan Akasto kaj multajn filinojn de aŭ Anaksibio aŭ Filomaĥe. Unu el liaj filinoj, Alkesto, edziĝis al Admeto, filo de sia duonfrato Fereso. Vidu Heraklo pri la rakonto de Admeto kaj Alkesto.

---

Kiam Jazono kreskis al plenkreskeco, li alvenis en Iolko portantaj nur unu sandalo, kaj postulis ke li havas pli da rajto al la trono ol sia onklo, la uzurpanto. Pelias trompis Jazonon, dirante ke li cedos la tronon se Jazono prenos la Oran felon en Kolĥido, esperante ke Jazono ne postvivos tiun serĉadon. Jazono konsentis.

Jazono havis Argon konstrui la ŝipon nomatan Argo. Jazono organizis la ŝipanon kaj kolektis heroojn el la tuta Grekio por aliĝi. La herooj kiuj velis sur la Argo fariĝis konataj kiel la Argonaŭtoj. Eĉ la filo de Pelias, Akasto, aliĝis al la Argonaŭtoj.

Jazono revenis al Iolko kun sia nova edzino, Medeo, la kolĥida sorĉistino. La patro de Jazono, Aesono, aŭ ankoraŭ estis en prizono aŭ murdita de Pelias. Jazono petis Medeon helpi lin mortigi Peliason.

Medeo trompis la filinojn de Pelias mortigante maljunan virŝafon, tranĉante la korpon kaj ĵetante la pecojn en bolantan kaldronon. Per sia sorĉarto, Medeo ne nur restarigis la virŝafon al vivo, sed ankaŭ faris la virŝafon juna denove. En la espero restarigi lian junecon, la filinoj de Pelias malsaĝe mortigis Peliason kaj ĵetis lian korpon en la kaldronon. Anstataŭ restarigi la vivon kaj junecon de Pelias, Medeo forlasis la filinojn de Pelias post kiam ili mortigis sian patron. Ili komprenis kun hororo ke ili estis trompitaj por murdi sian patron. Akasto indigne forpelis Jazonon kaj Medeon el Iolko.

---

Ĉe lia funebro, Akasto okazigis la grandajn ludojn en Iolko honore al Pelias. Multaj herooj, inkluzive de nombro da Argonaŭtoj, partoprenis en la funeraj ludoj.

La kvarĉevala ĉarkonkurso estis la plej interesa el la eventoj de la ludoj. Glaŭko, filo de Sizifo kaj reĝo de Korinto, partoprenis en la kuro. Liaj ĉevaloj estis konataj ne nur pro sia rapideco, sed pro la fakto ke la reĝo nutris homan karnon al siaj ĉevaloj. Glaŭko faris tion kiam ajn li gajnis kuron, ĵetante la malvenkintojn kie liaj ĉevalinoj povis nutri sin per ilia karno. Iolao, la nevo kaj kunulo de Heraklo, gajnis la ĉarkonkurson, venkante Glaŭkon. Justeco estis farita, kaj liaj propraj ĉevalinoj mortigis kaj formanĝis lin.

Alia interesa evento en la ludoj estis la lukta matĉo. Laŭ Apolodoro, Atalanta, la ĉasistino, gajnis la luktan matĉon kiam ŝi venkis Peleon. Tamen Higino diris ke Peleo gajnis la eventon (Fabulae 273), kaj ne estis mencio de Atalanta.