Dekunua laboro (pomoj de la Hesperidoj)

Por la dekunua laboro, Heraklo devis preni la orajn pomojn de la Hesperidoj. La Hesperidoj («Filinoj de la Vespera Stelo») estis la filinoj de la Titanido Atlaso kaj Hesperis (Vespera Stelo). Kiom da filinoj estis, vere dependis de la aŭtoro. Kelkaj diris tri, kvar aŭ sep. Ili zorgis pri arbaro de arboj kiuj portis orajn fruktojn. La arboj estis gardataj de serpento aŭ drako kun cent kapoj, konata kiel Ladono, ido de Tifono kaj Eĥidno.

Sur sia vojaĝo, ĉe la Kaŭkazaj Montoj, li mortigis la Kaŭkazan Aglon kiu nutris sin per la hepato de Prometeo kaj liberigis la Titanidon de liaj ĉenoj. Prometeo diris al li ke la arbo kaj pomoj estas gardataj de Ladono, drako aŭ serpento. La Titanido konsilis al li lasi sian fraton Atlason preni la pomojn, por eviti Ladonon.

Heraklo tiam daŭrigis sian vojaĝon suden, vojaĝante tra Fenicio kaj Palestino. Heraklo mortigis Busiron, reĝon de Egiptio, kiu oferis fremdajn vojaĝantojn. Kelkaj diris ke Heraklo ankaŭ mortigis Emathionon, reĝon de Arabio, filon de Eoso kaj Titono, kaj fraton de Memnono.

En Libio, Heraklo luktis kun kaj mortigis Antaeon (Antaeus), la filon de Posejdono kaj Geo, kiu restis nevenkebla tiel longe kiel li havis kontakton kun la tero. Antaeo ofte lasis sian kontraŭulon ĵeti lin sur la teron, nur por salti supren, eĉ pli forta ol antaŭe. Heraklo devis teni Antaeon for de la tero antaŭ ol dispremi sian kontraŭulon ĝis morto.

Fine li alvenis kie la Titanido Atlaso portis la pezon de la ĉielo sur siaj ŝultroj. Heraklo demandis Atlason kie estas la oraj fruktoj. Atlaso diris al la heroo ke li prenos la orajn pomojn por li, se Heraklo portos la ĉielon sur siaj ŝultroj. Heraklo konsentis kaj portis la ĉielon por Atlaso.

Atlaso revenis kun la pomoj, sed ne volis denove porti la ŝarĝon de la ĉielo sur siaj ŝultroj, kaj diris al la heroo ke li prenos la pomojn al Eŭristeo por la heroo, kaptante Heraklon en portado de la ŝarĝo de la ĉielo.

Sed Heraklo estis multe pli ruza ol la Titanido. Heraklo ruze diris al Atlaso ke li pretas porti la ĉielon, kondiĉe ke la Titanido tenos la ĉielon momenton. Heraklo diris al la Titanido ke li volas ruli sian leonan mantelon kiel kusenon por siaj ŝultroj. Do dum Atlaso denove tenis la ĉielon, Heraklo foriris kun la pomoj.

En alia versio de la rakonto, Heraklo fakte eniris la ĝardenon de la Hesperidoj kaj mortigis Ladonon.

(En la Argonaŭtiko, ne longe post kiam li forlasis la Ĝardenon de la Hesperidoj, la Argonaŭtoj alvenis. Ilia ŝipo, Argo, estis strandita meze de la libia dezerto.

Laŭ Apolonio el Rodo, la Argonaŭtoj mankis akvon. Ĉe la ĝardeno, la nimfoj direktis la Argonaŭtojn al kie fonto ŝprucis el roko. Heraklo piedbatisis la rokon, kiu fendiĝis en du kaj freŝa akvo ŝprucis el sub la roko. Heraklo senkonscie savis siajn iamajn kamaradojn, la Argonaŭtojn, de dehidratiĝo.)

Post montri la pomojn al Eŭristeo en Tirinto, Heraklo donis la pomojn al Atena, kiu redonis ilin al la ĝardeno de la Hesperidoj, ĉar ili vere apartenis al Hero.