Medb (Maeve)

Medb estis la militista reĝino de Connacht dum la Ulaid-Ciklo. Ŝi estis ankaŭ nomata Maeve. Medb estis memorata kiel la reĝino kiu alfrontis la forton de Ulaid (Ulstero).

Medb estis la filino de Eochaid Feidlech, kiu estis la reĝo de Leinster kaj de Cruachu. Medb ĉiam asertis, ke ŝi loĝis en Cruachain, kiu estis nomita laŭ ŝia patrino.

Kelkaj konfuzis ŝin kun alia reĝino aŭ diino kies nomo estis Medb Lethderg, la suvereneca diino de Tara kaj reĝino de Leinster. Se ŝi estis diino, tiam ŝi estus la suvereneca diino de Connacht. Tio estas precipe vera ĉar ŝi edziniĝis kun la tri filoj de Russ Ruad de Leinster; ĉiu frato fariĝis reĝo nur kiam li edziniĝis kun Maeve. La filoj de Russ Ruad estis nomataj Tinde (filo de Connra Cas), Eochaid Dála, kaj Ailill Mac Mata.

Kelkaj diris, ke ŝi eble estis unu el la aspektoj de Morrígan (Morrigan). Por ĉiu ajn kiu deziris fariĝi reĝo, li devis eniri sakran geedziĝon kun la suvereneco de la lando (Connacht), kaj ŝi estis Maeve.

Ailill kaj liaj fratoj ne estis la solaj reĝoj kiujn ŝi edziniĝis. Medb havis tri fratinojn, Clothra, Eithne kaj Mugain, kaj ĉiuj kvar el ili edziniĝis kun Reĝo Conchobar de Ulstero. (Medb probable havis ankaŭ du aliajn fratinojn nomatajn Derbriu kaj Ele.) Conchobar estis probable ŝia unua edzo.

Kiam Medb forlasis Conchobar, ŝi mortigis sian gravedan fratinon, Clothra. Tamen, la filo de Clothra kun Conchobar iel postvivos. Ŝia nevo estis nomita Furbaide Ferbend, kiu venĝos sian patrinon (Clothra) kaj mortigos Medb dum ŝi baniĝis en la fonto.

De Ailill, Medb naskis tri filinojn: Finnabair, Cainder kaj Faife. Medb estis ankaŭ la patrino de sep filoj, kaj ili ĉiuj estis nomataj Maine, ĉar oni aŭdis profetaĵon dirantan, ke ŝia filo (Maine) mortigos Reĝon Conchobar de Ulstero.

Conchobar Mac Nessa kaj Ulstero estis la tradicia rivalo kaj ĉefa malamiko de Connacht.

Medb estis fama pro multaj nelojalecoj kiujn ŝi faris, precipe ŝia longa amrilato kun Fergus Mac Roich, ekzilito de Ulaid kaj iama gvidanto de la Ruĝa Branĉo. De Fergus, Medb estis ankaŭ la patrino de Ciar kaj Conmac. Ŝi iam fanfaronis, ke necesis 32 virojn por kontentigi ŝin sekse.

Cu Chulainn estis respondeca pri ŝia malvenko en la bovenrabado de Cuailnge. Ŝi poste serĉis la morton de Cu Chulainn. Ŝi aliancis sin kun Lugaid Mac Cu Roi kaj la filinoj de Calatin. Ili logis lin batali solan kontraŭ ŝia armeo. La kombinaĵo de rompitaj geis-oj kaj magio rezultis en la morto de Cu Chulainn.

Kiam ŝia edzo mortigis ŝian amanton Fergus, kaj Conall Cernach siavice mortigis Ailill, Medb retiriĝis al insulo. Furbaide Ferbend, filo de Conchobar kaj Clothra (ŝia fratino), mortigis ŝin ĉe la loko kie ŝi kutimis baniĝi regule en la lago.