Cimbáeth

Cimbáeth (Cimbaeth aŭ Kimbay) estis la reĝo de Ulaid (Ulster). Cimbáeth estis la frato de Áed Ruad kaj Dithorba. Cimbáeth estis la onklo kaj edzo de Macha.

La tri fratoj interkonsentis ke ĉiu el ili regos dum periodo de 7 jaroj en 21-jara ciklo. Áed Ruad regis tiutempe, kiam li havis antaŭtempan morton per drono ĉe akvofalo antaŭ ol li povis kompletigi sian periodon kiel reĝo. Macha, la filino de Áed Ruad, devintus regi anstataŭ sia patro kaj kompletigi la periodon de regado, sed Cimbáeth kaj lia frato (Dithorba) kontraŭstaris ke ilia nevino regu Ulsteron.

Ĉe la morto de Áed Ruad, lia filino Macha rifuzis cedi la regnon al iu ajn frato. Macha mortigis Dithorba-n en batalo, kaj devigis sian alian onklon (Cimbáeth) edziĝi kun ŝi.

Cimbáeth kaj Macha kunregis Ulaid, sed estis Macha kiu fondis la reĝan fortikaĵon, Emain Macha. Vidu Emain Macha por pliaj informoj pri Macha.

Laŭ la Ruliĝo de Reĝoj de Irlando trovita en la Lebor Gabala, post jaro da regado kiel reĝo de Ulster, Cimbáeth fariĝis ĉefreĝo de Irlando kaj regis dum 27 jaroj kun sia edzino. Je lia morto, Macha, kiu regis kune kun li, kaj en Ulster kaj dividante la potencon de Ard Rí, fariĝis la sola reganto de Ulster kaj Irlando dum sep jaroj antaŭ ol ŝi estis murdita de Rechtad Riderg de Mumu (Munster).