Sir Bedivere

Bedivere estis nomata Bedevere de Geoffrey de Monmouth. Bedivere estis la butlero aŭ la pocalistulo kaj la konestablo de Reĝo Arturo. Bedivere estis la frato de Lucan la Butlero.

En la kimraj mitoj, li estis Bedwyr, la filo de Pedrawd kaj la konstanta kunulo de Kai (Kay) kaj Arturo, en la rakonto de Olwen kaj Culhwch. Bedwyr havis filon nomatan Amren.

Laŭ Geoffrey de Monmouth, post la milito kontraŭ Francio, Bedivere ricevis la dukecon de Neustria (Normandio). Boccus, reĝo de Medoj, aliancano de Lucius Hiberius, mortigis Bedivere en la milito kontraŭ la romanoj. Kay savis lian korpon, kaj Bedivere estis enterigita en Bayeux. En la Vulgata Merlin, li svenis pro vundo de Boclus (Boccus). Lia nevo, pensante ke Bedivere mortis, fendis la kapon de Boclus mezen per sia spado.

Laŭ la versio de Malory (Libro V), Bedivere ne mortis en la milito kontraŭ Romo. Fakte, laŭ la stanca Le Morte Arthur (ĉ. 1350) kaj la le Morte d’Arthur de Malory, Bedivere estis unu el la pluvivantoj en la milito kontraŭ Mordred, en la batalo de Camlann, kaj flegis Arturon kiu estis mortovundita. Lia mortanta reĝo (Arturo) ordonis al li ĵeti Excalibur en la lagon. Bedivere atestis Arturon prenatan sur boaton al Avalon. Bedivere tiam faris sanktan promeson kaj fariĝis ermito.

Originale, estis Girflet en la Mort le Roi Artu (Vulgata Ciklo), kiu flegis Arturon kaj ĵetis Excalibur en la lagon, antaŭ ol Arturo estis prenata al Avalon.