Eilejtia

Diino de naskado. Eilejtia estis la filino de Zeŭso kaj Hera. Eilejtia estis la fratino de Areso kaj Hebe, kaj eble de Eriso. Eilejtia estis la patronino de akuŝistinoj.

Eilejtia ludis siajn rolojn sub la ombro de sia patrino (Hera). Kiam Leto estis graveda de Apolono kaj Artemiso, Hera persekutis la Titaninon. Kiel filino de Hera, Eilejtia ne helpis Leton en naskado. Artemiso naskiĝis unue. Eĉ ne unu tagon aĝa, Artemiso helpis sian patrinon naski Apolonon.

Ŝi ankaŭ prokrastis la naskiĝon de Heraklo, por ke la kuzo de Heraklo, Eŭristeo, fariĝu reĝo anstataŭ la granda heroo. Alkmeno kaj Heraklo estus mortintaj pro la prokrasto, se la akuŝistino de Alkmeno ne trompus Eilejtian.

Laŭ unu poeto nomita Olen, li diris, ke Eilejtia estis la patrino de Eroso, la dio kaj personigo de amo.

Eilejtia estis populara antaŭhelena diino en Kreto dum la minoa kaj micena periodoj, kie multaj el ŝiaj sanktejoj estis trovitaj. Ŝia kulto ekzistis jam de la meza minoa periodo (2000–1700 a.K.). Ŝia nomo troviĝas en bronzepokaj Linear B tabeloj, kie ŝi estis nomita Eleuthia (E-RE-U-TI-JA). Sur la kontinento ŝi estis precipe honorata en Lakonio.

Post la doria invado ŝi ne plu ludis gravan rolon en greka mitologio, kaj multo de ŝia rolo estis transprenita de Artemiso.