Sarpedono kaj Glaŭko

Sarpedono (Σαρπηδών) kaj Glaŭko (Glaucos aŭ Γλαῦκος) estis kun-kapitanoj de la likiaj fortoj kaj aliancanoj de Trojo. La du likiaj herooj estis kuzoj; ili estis nepoj de la heroo Belerofono. Glaŭko estis filo de Hipoloĥo. Ekzistas iom da konfuzo pri la gepatroj de Sarpedono.

Kelkaj diras, ke Sarpedono estis filo de Zeŭso kaj Eŭropo, kaj frato de Minoo kaj Radamanto. Se tiel, tiam Sarpedono estus tre maljuna.

Alia versio diras, ke la kreta Sarpedono migris al Likio, kiam Minoo forpelis lin el Kreto. Evandro, filo de Sarpedono, edziĝis al Dejdamiejo (Deidameia), filino de Belerofono. Evandro kaj Dejdamiejo estis la gepatroj de Sarpedono. Do la Sarpedono, kiu batalis ĉe Trojo, estis nepo de la kreta Sarpedono (filo de Eŭropo).

En tria versio Homero diras, ke Sarpedono estis filo de Zeŭso kaj Laodamejo, alia filino de Belerofono. Persone mi pensas, ke la dua versio estas la plej verŝajna.

Dum la milito Sarpedono estis unu el la pli bonaj batalantoj ĉe la troja flanko. Sarpedono mortigis Tlepolemon, filon de Heraklo kaj Aŭge, gvidanton de la Rodianoj. Glaŭko renkontis la diece inspirita Diomedo kaj estis preta batali, ĝis ili ambaŭ malkovris la genealogion de unu la alia. Ŝajne iliaj avoj iam estis gastamaj amikoj (Belerofono kaj Oineo). Anstataŭ batali unu kontraŭ la alia, la du malamikoj interŝanĝis kirasojn, promesante eviti unu la alian en batalo.

Sarpedono kaj Glaŭko distingiĝis en la batalado du tagojn poste. Ili gvidis unu el la plej fortaj atakoj kontraŭ la muro de la greka tendaro. Sed en tiu sama tago Sarpedono estis mortigita de Patroklo, kunulo de Aĥilo. Furioza batalado okazis pri la korpo de Sarpedono, ĝis lia korpo estis rekuperita de la dio Zeŭso (kiu laŭ Homero estis lia patro). La korpo de Sarpedono estis alportita reen al Likio de la dioj Hipno («Dormo») kaj Tanato («Morto»), por deca funebro.

Kiam Aĥilo estis mortigita, okazis plia furioza batalado pri la korpo de Aĥilo. Glaŭko estis mortigita de Ajako, filo de Telamono, kiu staris gardo super la korpo de Aĥilo.