Polieido kaj Glaŭko

Minoo havis junan filon nomitan Glaŭko (Glaucos aŭ Γλαὓκος), kiu falis en grandan kruĉon da mielo. Minoo diris al argiva viziulo nomita Polieido (Polyidos aŭ Πολύειδος), kiu estis ido de Melampo (Melampous), ke li revivigu sian filon, do Minoo entombigis Polieidon kun Glaŭko.

En la tombo Polieido mortigis serpenton, sed vidis duan serpenton alportantan la mortintan serpenton reen al vivo per herbo. Polieido prenis iom el la herbo kaj revivigis la filon de la reĝo.

Minoo tiam ordonis al Polieido instrui al Glaŭko ĉion pri la arto de divinado; alie li ne povus forlasi la insulon. Do li instruis al la filo de la reĝo ĉion, kion li sciis.

Kiam Minoo fine permesis al la viziulo foriri, Polieido diris al la knabo, ke li havas unu lastan lecionon por instrui lin. Polieido diris al la knabo kraĉi en lian buŝon. Kiam Glaŭko kraĉis en la buŝon de la viziulo, la knabo forgesis ĉion, kion Polieido instruis al li.

Dum Polieido estis en Likio, li estis tiu, kiu donis al Belerofono sian konsilon pri kiel malsovaĝigi la flugilhorson Pegazon.