Ajako la Granda

Salamina heroo. Ajako (Aias aŭ Αἴας) estis la filo de Telamono kaj Periboea aŭ Eëriboea (Eeriboea), filino de Alkathoüs (Alcathous). Kiel nepo de Alkathoüs, Ajako fariĝis reĝo de Megaro. Li estis ankaŭ konata kiel Telamonia Ajako aŭ Ajako la Granda, por distingi lin de alia Ajako kiu batalis en la sama milito ĉe Trojo.

Ĉe lia naskiĝo li ricevis nomon laŭ la aglo de Zeŭso (aietos), kiam Heraklo preĝis por kuraĝa filo de Telamono.

Kiel svatanto de Heleno, li venis al Trojo kun 12 ŝipoj el Salamino. Post sia kuzo Aĥilo, Ajako estis la plej bela kaj la plej kuraĝa el la grekoj ĉe Trojo. En Trojo li havis filon nomitan Eurysaces de sia konkubino Tecmassa, filino de Teleutas. Laŭ unu verkisto Ajako havis ankaŭ alian filon nomitan Philaeus.

Ajako de Salamino ne konfuziĝu kun la lokria gvidanto konata kiel Ajako la Malgranda, filo de Oïleus (Oileus). Ajako estis kapo pli alta ol la aliaj grekaj gvidantoj, dum Ajako la Malgranda estis pli mallonga ol plej multaj grekoj. Tamen la du Ajakoj batalis flanko-ĉe-flanke en multaj okazoj. Ajako ankaŭ batalis flanko-ĉe-flanke kun sia duonfrato Teŭkro (Τεὓκρος), filo de Telamono kaj la troja konkubino Hesiono. Teŭkro estis la plej bona arkpafisto en la greka armeo, kaj li ofte pafis sagojn el malantaŭ la sekureco de la granda ŝildo de sia duonfrato.

Kiam Hektoro defiis la grekojn al unuopa batalo, per lotado Ajako estis elektita por batali kontraŭ la troja komandanto. Ajako batalis kontraŭ Hektoro en unuopa batalo ĝis egaleco, kaj poste ili interŝanĝis donacojn: Hektoro donis al Ajako sian glavon kontraŭe por la zono de Ajako. La du Ajakoj estis la plej fortaj defendantoj de la grekaj ŝipoj. Li ankaŭ defendis la korpon de Patroklo kontraŭ la trojanoj.

Interesa noto pri la granda ŝildo de Ajako: Homero (9-a–8-a jarcento a.K.) detale priskribis ke la ŝildo havis formon de okopo (8). La ŝildo estis farita el sep tavoloj de bova haŭto kaj kovrita per bronzo. Dum la bronzepoka mikena civilizo, kelkaj viroj portantaj okopformajn ŝildojn estas bildigitaj sur mikena ponardo. Tio sugestas ligon inter Homero kaj la mikenanoj, transdonitan per buŝa tradicio.

Kiam Aĥilo estis mortigita, Ajako portis lian korpon reen al la tendaro dum Odiseo retenis la trojanojn. Per glavo kiun li ricevis de Hektoro kiel donaco, li sinmortigis post perdo de la konkuro pri la armilaro de Aĥilo kontraŭ Odiseo.

Poste, kiam Odiseo iris al la Submondo, Ajako ankoraŭ koleris pro la perdo de la armilaro al Odiseo. La atenanoj adoris lin kiel grandan heroon.