Alkatoo

Reĝo de Megaro. Alkatoo (Ἀλκάθοος) estis la filo de Pelopso kaj Hipodameja.

Alkatoo edziĝis al Evaeĥme, filino de Megareo, reĝo de Megaro, post kiam li mortigis la Kiteronan leonon. Alkatoo fariĝis reĝo je la morto de Megareo. Li estis la patro de du filoj — Isĥepoliso kaj Kalipolis — kaj de tri filinoj — Aŭtomeduso, Peribeo kaj Ifinoe.

Alkatoo rekonstruis la urbmuron, kiu estis detruita de reĝo Minoo de Kreto dum la regado de Niso, la bopatro de Megareo.

Lia filino edziniĝis al Ifiklo, filo de Amfitriono kaj Alkmeno, kaj fariĝis la patrino de Iolao, dum Peribeo edziniĝis al la heroo Telamono, reĝo de Salamino, kaj estis la patrino de la heroo Aĵakso.

Neniu el liaj filoj supervivis por sukcedi lin. Isĥepoliso estis mortigita en la Kalidona Aproĉasado. Alkatoo estis meze de ofero al Apolono kiam lia pli juna filo Kalipolis revenis el Kalidono kun la novaĵo pri la morto de Isĥepoliso. Alkatoo mortigis Kalipolis pro interrompo de la rito. Li nur tro malfrue rimarkis, ke li murdis sian lastan filon. La argiva viziulo Polidieo purigis Alkatoon pro la murdo.

Sen filo por regi post li, la maljuniĝanta reĝo nomumis sian nepon Aĵakson kiel sian heredanton. Aĵakso prenis dekdu ŝipojn el Salamino kaj Megaro al Trojo, sed li mortis de sia propra mano. Mi ne certas, kiu regis Megaron post la morto de Aĵakso. La nelegitima filo de Aĵakso, Eŭrisako, regis Salaminon, sed ne Megaron.