Kalidono

Kalidono estis suda urbo de Etolio, fondita de Kalidono, filo de Etolo kaj frato de Pleurono.

Oni ne multe sciis pri Kalidono, krom ke li edziĝis al Eolio, filino de Amintaono kaj fratino de Melampo kaj Biao. Kalidono fariĝis la patro de Epikasto, kiu edziniĝis al sia nevo Agenoro, filo de Pleurono kaj Ksantipo.

La plej fama reĝo de Kalidono estis Oineo (Oineus). Oineo estis la filo de Portaono kaj Eurito, kaj la pranepo de Kalidono. Oineo edziĝis al Altea, filino de Testio. Oineo fariĝis la patro de Tokseno kaj de la heroo Meleagro(?), same kiel de du filinoj - Gorgo kaj Dejanira, kiu estis la lasta edzino de Heraklo. Poste Oineo ankaŭ edziĝis al sia nevino Peribeo, filino de Hiponoo de Oleno. Oineo fariĝis la patro de Oleniaso kaj de alia heroo, Tideo.

Kiam Oineo forgesis oferi al Artemiso, la diino punis la reĝon sendante gigantan virporkon por ruinigi la kamparon, detruante rikoltojn kaj mortigante kamparanojn kaj vojaĝantojn. Ĝi fariĝis la sceno de la fama Kalidona Virporkoĉaso (vidu Atalanta por la rakonto de la Kalidona Virporkoĉaso).

Oineo perdis la tronon al sia frato Agrio. Sen siaj filoj por protekti lin, la nevoj de Oineo devigis lin forlasi la tronon. Meleagro mortis post la Kalidona Virporkoĉaso, kaj lia alia filo Tideo estis ekzilita al Argoso pro la mortigo de unu el siaj parencoj (frato aŭ onklo). Oineo reakiiris sian regnon nur danke al sia nepo Diomedo, la filo de Tideo, kiam la heroo mortigis Agrion (?) kaj liajn filojn.

Oineo estis bone konata pro la ricevado de gastoj kaj petantoj. Inter ili estis Belerofono, Heraklo, Tindareo, Agamemnono kaj Menelao.