Aetolo

La regado de Aetolo en Eliso ankaŭ estis mallonga. Aetolo (Αἰτωλός) partoprenis en la funebraj ludoj de Azan. En ĉarkuro Aetolo hazarde rulis super kaj piedpremis Apison, eble la reĝon de Argoso. Aŭ Aetolo forkuris el Eliso, aŭ li estis ekzilita pro la akcidenta morto. Kia ajn estis la kazo, Aetolo migris al la lando de la Kuretoj, kie li fondis regnon. La nevo de Aetolo, Eleio, fariĝis reĝo de Eliso.

La filoj de la dio Apolono kaj Ftia regis la Kuretojn. Ili nomiĝis Doro, Laodoko kaj Polipoeto. En la milito kontraŭ la Kuretoj, Aetolo mortigis la tri fratojn kaj konkeris plejparte la marbordajn regionojn. Lia regno estis nomita laŭ li: Aetolio.

Aetolo edziĝis al la filino de sia nevino, Pronoe, la filino de Forbaso kaj Hirmima (filino de Epeio). Aetolo fariĝis la patro de du filoj: Kalidono (Καλδών) kaj Pleŭrono (Πλευρών).

Je sia morto, liaj du filoj fondis apartajn regnoj; ĉiu urbo estis nomita laŭ ĉiu frato. Kalidono edziĝis al Eolio (Αἰολία) kaj havis filinon nomitan Epikasta, kiu edziniĝis al sia kuzo Agenoro (Ἀγήνωρ), la filo de Pleŭrono kaj Ksantipo.

Agenoro kaj Epikasta havis filinon nomitan Demonike, kiu fariĝis la patrino de tri filoj de la militdio Areso: Testio, Pilo kaj Eŭeno. Agenoro ankaŭ estis la patro de du filoj: Hipodamo kaj Portaono (Πορθάων).

Portaono fariĝis reĝo de Kalidono kaj edziĝis al Eŭrite, la filino de Hipodamaso, la filo de la riverdio Aĥeloo. Portaono estis la patro de pluraj filoj: Oineo, Agrio, Melaso, Alkatoo kaj Hiponoo.

Je la morto de Portaono, lia plej aĝa filo Oineo fariĝis la reĝo de Kalidono.