Epeio kaj Eleio
Epeio
Epeio (Ἐπειός) estis la filo de Endimiono, kaj la frato de Aetolo kaj Paeono. Epeio ankaŭ havis fratinon nomitan Eŭrikida. Kiam Endimiono abdikis kiel reĝo, la reĝeco de Eliso estis decidita per kurkonkurso. La gajninto fariĝus reĝo. Epeio gajnis la kuron kaj estis kronita.
La popolo de Eliso fariĝis konata kiel la Epeianoj. Epeio edziĝis al Anaksiroe, la filino de Korono. Epeio estis la patro de filino nomita Hirmima, kiu edziniĝis al Forbaso, lapita ĉefo, kiu migris al la urbo Olenia en Eliso.
La regado de Epeio estis mallonga, kaj li mortis juna sen filo. La frato de Epeio, Aetolo, sukcedis lin.
Eleio
La regado de Aetolo en Eliso ankaŭ estis mallonga. Aetolo partoprenis en la funebraj ludoj de Azan. En la ĉarkuro Aetolo hazarde rulis super kaj piedpremis Apison, eble la reĝon de Argoso. Aŭ Aetolo forkuris el Eliso, aŭ li estis ekzilita pro la akcidenta morto. Kia ajn estis la kazo, Aetolo migris al la lando de la Kuretoj, kie li fondis regnon. Lia regno estis nomita laŭ li: Aetolio. Vidu Aetolo en la Domo de Kalidono por pli da detaloj.
La maradio Posejdono delogis la fratinon de Epeio, Eŭrikidan. Eŭrikida fariĝis la patrino de Eleio (Ἐλεις). Kiam Aetolo migris al la lando de la Kuretoj (Aetolio), la juna Eleio fariĝis la reĝo de Eliso.
La regiono kaj urbo de Eliso estis nomitaj laŭ li. La popolo antaŭe estis konata kiel la Epeianoj, laŭ lia onklo, sed nun ili estis nomitaj la Eleianoj.
Eleio regis iom da tempo antaŭ ol li mortis, kaj estis sukcedita de Augeias, la filo de la lapito Forbaso kaj Hirmima, la filino de Epeio.
