Taloso

Taloso estis la lasta bronzepoka viro, kiu aperis en la Argonaŭtiko de Apolonio de Rodiso. Taloso (Τάλως) loĝis kaj defendis la insulon Kreto.

Taloso ankaŭ estis giganto, farita el bronzo. Anstataŭ sango, Taloso havis iĥoron, la vivsangon de senmortulo. Lia sola malfortaĵo estis malantaŭ lia maleolo, kie maldika haŭto kovris lian vejnon.

Kiam Jazono kaj la Argonaŭtoj provis albordigi sian ŝipon sur Kreto, kiel gardanto de la insulo Taloso komencis ĵeti grandegajn ŝtonegojn al la ŝipo. Medeo ĵetis sorĉon sur Taloson, kaŭzante ke la giganto faligu unu ŝtonegon sur sian kruron. Ĝi frapis lian haŭton malantaŭ la maleolo, tranĉante lian vejnon. Taloso sangis ĝis morto.