Dietrich

Dietrich von Bern (Verono) baziĝis sur la historia figuro de Teodoriko la Granda, ostrogota reĝo, kiu regis Italion post Odoakro, alia ostrogota reĝo, kiu mortis en 493 p.K. Teodoriko establis fortan regnon kaj regis ĝis sia morto en 526 p.K.

En germana legendo Teodoriko estis konata kiel Dietrich, kaj li estis farita samtempulo de aliaj bone konataj historiaj figuroj, Attila la Huno (Etzel), Guntharius (Gunther) kaj Ermanaric (Jormunrek). Historie Teodoriko naskiĝis ĉirkaŭ 20 jarojn post la morto de Attila (453 p.K.) kaj ĉirkaŭ cent jarojn post Ermanaric, kiu mortis en 375 p.K. Guntharius estis mortigita en 437 p.K.

---

Dietrich estis la filo de Dietmar (Theodemir), kiu regis sian regnon en Bern (Verono). Ermanaric, la reĝo de la Gotoj, invadis Bern kaj forpelis Dietrichon el sia regno.

Dietrich fuĝis kun multaj sekvantoj, inkluzive de Hildebrand kaj siaj du nevoj, Alphart kaj Wolfhart. Dietrich iris al la regno de la Hunoj, kie Attila bonvenigis lin kiel gaston. Dietrich fariĝis la konsilisto kaj vasalo de Attila, edziĝante al la nevino de Attila.

Dum sia restado en la kortego de Attila li fariĝis amiko de Hagen, Waltharius kaj aliaj noblaj ostaĝoj de Attila. Vidu Waltharius.

En la Nibelungenlied kaj la norvega Thiðrekssaga Dietrich fariĝis nevole implikita en la komplotoj de Kriemhild, la dua edzino de Attila, por detrui Hagenon kaj ŝian familion, ĉar ili estis respondecaj pro la murdo de ŝia edzo. Ĉiuj liaj sekvantoj, krom Hildebrand, estis mortigitaj en la batalo inter la militistoj de Attila kaj Gunther (la Burgundoj). Dietrich hezite batalis kaj kaptis la burgundajn gastojn, Gunther kaj Hagen. Kriemhild murdis sian fraton Gunther, kaj Hagenon, la helpanton de Gunther kaj la arĥimalamikon de Kriemhild. Vidu Nibelungenlied por la plena rakonto.

Post pli ol tridek jaroj kiel gasto de Attila, Dietrich levis armeon de hunaj militistoj por rekapti sian regnon. Batalo estis batalita ĉe Raveno, en kiu Dietrich venkis Ermanaric. Dietrich rekaptis la tronon kaj regnon ĉe la morto de Ermanaric.

Laŭ la Die Rabenschlacht («La Batalo de Raveno»), la frato de Dietrich kaj la du filoj de Attila akompanis la heroon. Kvankam li gajnis la batalon, Witege, ĉampiono de Ermanaric, mortigis la tri junulojn. En funebro kaj kolero Dietrich persekutis Witegen, kaj poste revenis al la kortego de Attila, kie li alportis la malgajan novaĵon pri la morto de la filoj de Attila.