Eŭrinome kaj Ofiono
Apolonio el Rodo priskribis krean miton tre malsaman de tiu de la Teogonio de Heziodo. La rakonto de Apolonio estas tre mallonga kaj prefere skiza.
Apolonio komencis la miton kiel unu el la kantoj kantitaj de Orfeo (Ὀρφεύς) post la foriro de la Argonaŭtoj el Iolko. Orfeo estis la mita bardo kiu aliĝis al Jazono kaj la Argonaŭtoj en la Serĉado.
Orfeo kantis kanton pri kiel la mondo originale estis ĵetita en unu solan muldilon; la tero, ĉielo kaj maro estis ĉiuj miksitaj en tiu muldilo ĝis la muldilo estis disŝirita de iu interna tumulto ene de la Kosma Ovo. Subite la tero, maro kaj ĉielo estis disigitaj; montoj leviĝis el la maro, dum la suno kaj luno kaj steloj sekvis sian vojon tra la ĉielo (io simila al la Granda Eksplodo).
Du el la plej fruaj estaĵoj venis en ekziston dum la kreado de la mondo. Unu nomiĝis Eŭrinome (Εὐρυνόμη), filino de la Oceano (Oceano), dum ŝia konsorto nomiĝis Ofiono (Ὀφίων). Kune ili regis la tutan universon de Olimpo.
Sed unu tagon, la Titanidoj Krono (Κρόνος) kaj Reo (Ῥεία) perforte forigis Ofionon kaj Eŭrinomen el Olimpo. Ili ĵetis Ofionon kaj Eŭrinomen en la Oceanon (kontraŭe al esti enkarcerigitaj en Tartaro, kiel en la Teogonio de Heziodo).
Dum Krono kaj Reo regis la mondon kaj la Titanidojn, Zeŭso (Ζεύς) loĝis en la Diktea kaverno (en Kreto) kiel bebo, longe antaŭ ol li ricevis la potencan tondrobolton de la Ciklopoj.
La rakonto finiĝis ĉi tie.
Apolonio ne donis multe da detaloj. Mi havis malfacilaĵojn en eltrovi ĉu Apolonio ricevis tion de alia fonto aŭ ĉu li inventis tiun malgrandan rakonton mem. Oni malkovris ke la mito pri Eŭrinome, kiel la kreanto-diino, laŭdire estas multe pli aĝa ol la Teogonio kiu estis verkita de Heziodo en la 7-a jarcento a.K.
Apolonio nur menciis Zeŭson kiel bebon en kaverno en Kreto, same kiel menciinte ke unu tagon li uzos la tondrobolton, forĝitan de la Ciklopoj, kiel en la rakonto de Heziodo. Tamen Apolonio ne kompletigis sian kanton rakontitan de Orfeo, kie kiel en la mito de Heziodo, Zeŭso forigis la Titanidojn.
Pli detala rakonto estis trovita pri Eŭrinome kaj Ofiono kiu estis tute malsama de la aludo de Apolonio pri la kreado. Tio laŭdire estas la mito de la originala raso aŭ loĝantoj en Grekio, kiuj estis konataj kiel la Pelasgoj.
(Antaŭ ol mi finas ĉi tie, mi ŝatus diri ke mi forprenis parton de tiu artikolo, koncerne la tiel nomatan Pelasgan krean miton kiu estas malsama de la rakonto de Apolonio. Tiu mito estis rekonstruita de Robert Graves, fama nuntempa mitografo kaj aŭtoro de nombro da libroj inkluzive de La Blanka Diino (mi ne legis tion), kaj La Grekaj Mitoj, el kiu mi ricevis la PCM (Pelasga krea mito). Li estis la sola persono kiun mi konas kiu skribis tiun version de Eŭrinome kaj la Kosma Ovo.
Kvankam PCM estis tre interesa, mi estas prefere duba pri la rakonto de s-ro Graves, kiun li diris li rekonstruiis el diversaj fontoj. Kion mi dubas estas lia rekonstruo, kiu estis pli lia propra persona ellaborado kaj invento ol aŭtentaj mitoj el la Pelasgoj. Ĝis mi povas trovi pli aŭtentajn fontojn kiuj similas al la rakonto de Graves, mi timas ke la Pelasga krea mito ne plu estos afiŝita ĉi tie. Mi bedaŭras se mi kaŭzis ajnan maloportunaĵon.)
