Eŭrinomo
Eŭrinomo (Εὐρυνόμη) estis la filino de Oceano kaj Tetiso; ŝi estis unu el la 3000 Okeanidoj.
De Zeŭso, Eŭrinomo estis la patrino de la Gracioj, kaj eble de Asopo, la riverdio en Sikiono. Tamen Asopo kutime estis nomita ŝia frato, do li ankaŭ estis filo de Oceano kaj Tetiso.
Laŭ Apolonio de Rodiso, en la Argonaŭtika, Eŭrinomo estis la unua estaĵo, kiu ekestis el Ĥaoso aŭ Oceano (Oceanus); eble ŝi kreis sin mem. La Eŭrinomo de Apolonio eble ne estas la sama kiel la nifo Eŭrinomo, kvankam Apolonio diris, ke ŝi estis la filino de Oceano (Oceanus), sed tiu Oceanus estis praa akvo kaj ne Titano aŭ dio. La Oceanus de Apolonio estis pli kiel la Ĥaoso de Hesiodo.
Ŝi estis la krea diino de la universo, kaj la unua, kiu regis Olimpon kune kun Ofiono, antaŭ ol la Titanoj Krono kaj Rea forpelis ilin.
Vidu Eŭrinomo en la paĝo Antikvaj diaĵoj kaj Eŭrinomo kaj Ofiono en la paĝo Kreado.
Rilataj informoj
Nomo
Eurynome, Εὐρυνόμη – "Larĝe-vaganta".
Fontoj
Teogonio estis skribita de Hesiodo.
Biblioteko estis skribita de Apolodoro.
Priskribo de Grekio estis skribita de Paŭzanio.
Argonaŭtika estis skribita de Apolonio de Rodiso.
Rilataj artikoloj
Vidu ankaŭ Antikvaj diaĵoj, Eŭrinomo.
Oceano, Tetiso, Ofiono, Krono, Rea, Zeŭso, Gracioj.
Kreado, Eŭrinomo kaj Ofiono.
