Gracioj

Personigo de beleco kaj gracio. Ili estis konataj de la grekoj kiel Ĥaritoj kaj de la romanoj kiel Gratiae. Ili estis la tri filinoj de Zeŭso kaj Eŭrinomo, kiu estis la filino de Oceano kaj Tetiso. La tri fratinoj nomiĝis: Ĥaris aŭ Aglaja («Brilo»), Eŭfrozino («Gajo»), kaj Talia aŭ Pasitea («Bona gajo»).

Ĉe Homero, dum la batalado ĉe Trojo, Hera promesis al Hipno, ke la dio de dormo povas edziĝi al Pasitea se li helpus luli Zeŭson al dormo.

Poste, kiam la maradiino Tetiso iris al Hefesto petante novan armaĵon por sia filo, Homero diris, ke Hefesto estis edziĝinta al Ĥaris aŭ Aglaja, ne al la amodiino Afrodito.

La Gracioj loĝis en Olimpo kun la Olimpanoj, kutime servante kiel akompanantinoj de Afrodito, aŭ foje ili servis Heran. La Gracioj unue estis adorataj ĉe la rivero Kefiso en Orĥomeno, Beotio. Eteoklo, filo de la riverdio Kefiso, estis la unua, kiu oferis al la Gracioj.

Ili estis populara temo en artoj, kutime montrataj dancantaj kune nude.