Conall Cernach

Conall estis la filo de Amorigin kaj Findchaem (Finachoom), filino de Cathbad kaj Maga. Conall estis la edzo de Niam. Li estis ofte nomata Conall Cernach — Conall la Venkanta. Conall estis ankaŭ la kuzo kaj adopta frato de la heroo Cú Chulainn (Cu Chulainn) same kiel la kuzo de la filoj de Uisnech (Usnech).

Apud Cú Chulainn, Conall estis la plej bona militisto de la Ruĝa Branĉo. Conall kaj Cu Chulainn estis, kiel infanoj, ĵurintaj venĝi tiun kiu mortus unue. Li estis unu el la subtenantoj kaj ĉampionoj de Conaire Mor, la ĉefreĝo de Irlando. Li estis unu el la militistoj defendantaj Conaire Mor, dum la detruo de la gastejo de Da Derga. Conall estis devigita retiriĝi de la batalado kiam li estis grave vundita, lasante sian moriantan reĝon.

Conall ĉeestis la festenon de Bricriu, kie Bricriu aranĝis dekapitigon kun ĉampionoj. Conall kaj lia ĉefo Cettmac rifuzis partopreni. Tial Cú Chulainn iĝis la plej granda ĉampiono de Irlando.

En alia festeno, ambaŭ Ulstero kaj Connacht postulis la rajton posedi la plej rapidan hundon (Ailbe) kiu apartenis al Mesroda Mac Datho, reĝo aŭ klanostro de Leinster. Ambaŭ Ulstero kaj Connacht minacis Mesroda per milito se li ne donus la hundon al ili. Do Mesroda petis ambaŭ Ulsteron kaj Connacht postuli la premiojn. Mesroda servis la apron en festeno. Estis decidite ke la ĉampiono kiu faris la plej grandajn heroajn farojn ricevos la ĉampionan porcion de la giganta apro, same kiel lian hundon. Cet Mac Maga postulis la rajtojn, venkante ĉiun ulsteranon per siaj rakontoj pri siaj aventuroj. Nur kiam Conall alvenis Cet koncedis ke Conall estis pli bona militisto. Sed Cet asertis ke se lia frato venus al la festeno, tiam Anluan estus pli bona militisto ol Conall. Conall diris al li ke la frato de Cet jam estas tie, kaj prezentis la kapon de Anluan. Batalado eksplodis inter Connacht kaj Ulstero. Fine Conall mortigis Cet. La hundo estis mortigita dum la batalado, do finfine neniu flanko gajnis la hundon.

Conall estis tro malfrua por savi Cú Chulainn, kiam la heroo denove batalis sola kontraŭ la armeo de Medb en Slieve Fuad. Kiam Conall trovis la senkapan korpon de Cú Chulainn, Conall persekutis sian malamikon kaj detranĉis la kapon de Lugaid. Conall reportis la kapon de Cú Chulainn al Emain Macha por enterigo.

Conall venĝis la morton de Fergus Mac Roich kiam Ailill, reĝo de Connacht, murdis Fergus.

Poste, la maljuna militisto retiriĝis al Cruachain, kie tri ruĝharaj viroj el Munster embuskis Conall. Lia kapo estis portita al Munster kiel venĝo por la morto de Lugaid kaj lia patro Cu Roi, kiu estis mortigita de Cu Chulainn.

En la kimra Culhwch kaj Olwen, Conall estis egaligita kun Corvil Bervach.