Dubthach Dóeltenga

Militisto de la Ruĝa Branĉo. Dubthach Dóeltenga estis la filo de Lugaid Mac Casrubae. Dubthach estis kiel Bricriu, alia figuro en la Ciklo de Ulsterio, kaŭzante problemojn kaj diskordojn ĉar li ofte insultis aliajn militistojn, tre simile al la greka soldato Thersites en la Troja Milito.

Dubthach aperis en la rakonto pri Deirdre, titolita Longes mac nUislenn (La Ekzilo de la Filoj de Uisliu), kiel unu el la militistoj de la Ruĝa Branĉo, kiujn Noísi fidis kiel garantianton de sekura reveno al Ulsterio. Kiam Conchobar perfide murdis Noísi kaj liajn fratojn, li aliĝis al Fergus Mac Roich en venĝo kontraŭ Conchobar. Dubthach mortigis la filon kaj nepon de Conchobar, Maine kaj Fiachna (filo de Fedelm). Dubthach ankaŭ masakris ĉiujn junajn knabinojn loĝantajn en Emain Macha, kiam Fergus ekbruligis Emain Macha. Dubthach aliĝis al Fergus kaj Cormac Connloinges, kune kun 3000 militistoj de Ulsterio en ekzilo, loĝante en la kortego de Ailill kaj Medb, regantoj de Connacht, la tradicia malamiko de Ulsterio.

Dubthach ankaŭ partoprenis la Bovorabon de Cuailnge, kaj la Detruon de la Gastejo de Da Derga, kiel unu el la militistoj de la ĉefreĝo Conaire Mór.