Míl Espáine

Gvidanto kaj eponimo de la Milezianoj. Míl estis ankaŭ konata kiel Míl Espáine aŭ Míl de Hispanio. Míl estis la filo de Bile kaj nepo de Breogan.

Míl estis iom aventuristo kaj militestro servanta la reĝon de Skitio. Li edziĝis kun la filino de la reĝo, Seang. Seang iĝis la patrino de Eber Donn kaj Erech Febria. Kiam Seang mortis, Míl malkovris ke la patro de Seang intrigos kontraŭ li. Míl agis unue, mortigante sian bopaton antaŭ ol li fuĝis al Egipto.

Míl poste edziĝis kun Scota, filino de la faraono Nectanebus. Efektive ekzistas du faraonoj kun ĉi tiu nomo, Nectanebo la 1-a kaj Nectanebo la 2-a, apartenantaj al la 30-a dinastio, en la 4-a jarcento a.K. Ĉi tiu dinastio estis tuj antaŭ ol Aleksandro la 3-a (la Granda) de Makedonio invadis la Persan Imperion.

Míl havis ankoraŭ du filojn, Eber Finn kaj Amairgin, de sia nova edzino, dum sia restado en Egipto. Aŭskultante la konsilon de sia druido Caicer, Míl decidis reiri al Irlando, sia praaŭla patrujo (ĉar li estis posteulo de Nemed). Míl havis alian filon nomatan Ir en Trako, kaj ankoraŭ alian sur insulo nomata Colptha. Estis ankaŭ kelkaj aliaj filoj, inkluzive Eremon.

Míl sukcesis nur atingi Hispanion, kie li venkis en multaj bataloj. Estas necerta kio kaŭzis lian morton. La tasko invadi kaj establiĝi en Irlando restis por liaj filoj.